Nongpoh, Risaw, 23: Ki Pulit ka Ri-Bhoi tang hapoh lai sngi kumba ki ladep ban ai ka jingkular ki la pyndep ka jingtohkit pyrshah ïa u Ïainehskhem Kharsati, 22 snem ka rta na ka shnong Kalapangti, Ri-Bhoi District ba la kynnoh ba u dei uba donkti ban leh beijot bad pynïap ïa iwei i heprit kynthei ba la 13 snem ka rta.
Ïa ka jingtohkit la bynshet ha ka Sub Inspector Kong S. Ryngksai UBSI kaba trei mynta ha Umïam Police Station da ka jingïarap lang ki para Pulit, ki nonngïalam shnong, ki VDP bad kiwei kiwei.
Hadien ba ladep pynlong ïa ka jingtohkit kaba dang hapoh 13 sngi naduh ba la register case la pynngat kyndon ïa u Ïainehskhem ha ka 22 tarik mynta u bna ha Nongpoh Women Police Station hapoh ka Case No. 58/2025.
Kum ban shu pynkynmaw, i heprit 13 snem i la jah rngai ha ka 9 tarik, Risaw, 2025 katba i dang wan phai na skul bad ïa ka met jong i la lap na kawei ka khlaw ha ka por 7 baje janmiet eiei.
Ki Pulit kiba la pynlong ïa ka jingtohkit kaba bniah ha ka 11 tarik, Risaw, 2025 ki la kem ïa u Ïainehskhem Kharsati na ka shnong Kalapangti, Ri-Bhoi District ha kaba u la phla ruh ha ki Pulit ba u la leh be-ijot shwa ban dkhat jubor ïa ka jingim jong i heprit.
