Nongstoiñ, K’lyngkot 07: Ka Deputy Commissioner, Eastern West Khasi Hills District Mairang, ka la pyntip paidbah ba ka Ministry jong ka Environment Forest & Climate Change Government of India, ka la pynmih ïa ki kyndon jong ka Extended Producer Responsibility (EPR) na ka bynta ki plastic ba song tiar lyngba ka GSR No. 133 (E) tarik 16 tarik Rymphang 2022 jong ka Plastic Waste Management (Fourth Amendment) Rules, 2022.
Katkum ka kyndon ba 6 jong ka Plastic Waste Management (Fourth Amendment) Rules, 2022, ki nongshna, nongshalan bad ki trai dukan jong ki jingsop plastic ba song tiar bad ki Plastic Waste Processors (PWPs), ki donkam ban pynrung kyrteng ïalade ha ka Central Extended Producer Responsibility Postal ba la shna da ka Central Pollution Control Board.
Baroh ki nongshna, nongshalan, bad ki trai dukan kynthup ïa ki bilor umdih bad kumjuh ïa kino kino kiba pyndonkam plastic ban song tiar hapoh ka brand label ne trademark kiba lah dep ban pynrung kyrteng bad ki Plastic Waste Processors (PWPs) ki bym pat ïoh ïa ka registration, la bthah ban phah ïa ki aplikeshon jong ki ha ka website www.eprplastic.cpcb.gov.in ban pyndep ïa ka EPR katkum ki kyndon ka EPR ba la pynmih paidbah.
Lada lap ïa kino kino ki bym pyndep ïa kine ki jingbthah, kin shah pynshitom katkum ki kyndon aiñ jong ka Section 5 jong ka Environment (Protection) Act, 1986 kaba kynthup ïa ka jinghah daiñ kuna bad jingshah khang kyrdep ki karkhana.
