Shillong: Ka TECNO, kaba long ka kompany shna phone ha ka pyrthei mynta ka sngi ka la pynmih biang sa ïa kawei ka phone kaba la pynkhih win shisha kata ka TECNO SPARK 8P hapoh ka thup jong ki phone SPARK 8 series. Kane ka smartphone ka don ïa ki bor treikam kibba bha tam kum ka jingdon jong lai tylli ki camera shadien kiba 50MP ba don bad ka AI, ki long ruh kiba khlain na ka bynta ban shon dur mynmiet ne Super Night mode ïa kaba la nang kham pynbha shuh shuh ïa kane ka jingtreikam da kaba don ïa ka F1.6 Aperture kaba lah ban shon ïa ki dur kiba itynnad bha wat lada ka jingshai ka duna. Ka don ruh ïa ka 6.6” Full HD+ display kaba nang kham pynitynnad shuh shuh haba peit ïa ki dur bad kadon ruh ïa ka RAM kaba 7GB kaba lah ban pynheh da kaba leh ïa ka Memory Fusion. Kane ka smartphone ka don ruh ïa ka Mediatek Helio kaba sted bha bad ka don ïa ka processor kaba long G85 khnang ba kane ka phone kan ym don ka jingthut bad khlem kano kano ka jingthut haba lehkai.
Da ka jingïoh mynsiem ïa ka jingjop ïa ka jingpynmih ïa ki phone hapoh ka thup jong ka SPARK series bad ba ka aiom lehkmen ka la jan wan. Kumta, ka TECNO Mobile sa shisien ka la ieng ban pynmih ïa ki mobile kiba kham bha shuh shuh, bad kane ka long ban khring ïa ki nongthied kiba kwah ban thied ïa ki phone kiba sted.
Ka TECNO SPARK 8P ka la rung bad sdang ïa ka kam ban pynïaid iew ïa kine ki phone ha ki iew ha ri India da kaba pynthut ïa ka sub-11K segment da ka jingbuh ïa u battery uba khlain haduh 5000mAh bad u flash charger uba 18W. Ka jingïadonlang jong kine ki ar tylli ka nang pynkhlain shuh shuh ïa ka jingtreikam u battery bad nang pynkloi ïa ka jing charge ïa ka phone, bad ka pynlong ba ki nongthied kim donkam ban charge haduh 25 sngi lada ym pyndonkam ïa ka. Kane ka smartphone kaba dang shu pynmih ka long ka bym don jingthut wat lada ka kti ka bit ïa ka kynja umphniang ne khlein ha ka por ba leh ïa ka Fineger print ne Anti-oil Side Fingerprint bad ka shim por tang 0.24Sec ban plie ïa ka phone, ka long ruh kaba stang bad kyntiak bha ha ka dur ka dar bad ka jingpynwandur ïa ka, ka long kaba la shna ha ka rukom kaba beit lain ne linear texture bad vertical axis bad kane ka nang pyni stang shuh shuh. Kane ka smartphone ka wan ha ki saw jait ki rong kata – Turquoise Cyan, Iris Purple, Tahiti Gold bad Atlantic Blue.
Haba kren ha ka sngi pyllait paidbah, U Arijeet Talapatra, CEO jong ka TRANSSION India, u ong, “Mynta ka, TECNO Mobile kadei ka kompany kaba wan ba 4 ha ka jingheh ha ka liang ka jingpynmih ïa ki smartphone ha ka sub-10k segment katkum ka kaiphod jong ka Counterpoint Market Share Report, Jymmang 2022.
