Shillong, Nohprah 15 : Ka skulbah North-Eastern Hill University (NEHU) ka la shim ïa ka sienjam kaba radbah bha da kaba shna ïa u ‘semiconductor chip’ ba la shna kyrpang ban ïakhun ïa ki thapbawa saw ba ju don ha ki kper slasha ba tip kum ki Red Spider Mite (RMS).
Kane ka sienjam la khmih lynti ba kan long ka jingkyrkhu kaba khraw bha ïa ki nongrep slsha ha ka thain shatei lam-mihngi jong ka ri namar kine ki jait thapbawa ki dei ki nongshun ba khraw tam.
Ïa une u chip ba la shna lut da ka Department of Electronics and Communication Engineering NEHU ka dei kaba la leh ha kata ka rukom ba kin ym ktah ïa ka mariang nalor ba ki dei kiba pyndonkam da ki kor ka juk mynta da ka thong ban pynduna ïa ka jingpyndonkam da ki dawai pynïap khniang bad ban wanrah ruh ïa ka mariang kaba khuid.
Ïa ka jingwad bniah halor kane ka phang la leh hapoh ka jingïalam jong u Dr. Pankaj Sarkar, Dr Sushanta Kabir Dutta, Dr Sangeeta Das, bad Bhaiswajyoti Lahon.
Ïa une u chip la aiti sha u Myntri ka tnad Electronics and Information Technology ka sorkar pdeng ha ka 28tarik Naiwieng kaba la pynlong ïa ka skulbah ban paw lang mynta ha ka thup jong ki nongshna ïa kine ki jait tiar.
“Kane ka jingshem ban shna ïa ki tiar thymmai ka ïahap bad ka thong jong ka skulbah NEHU, kata ban don ïa ka shap, ‘La shna ha India’ bad ruh ban weng ïa ki jine h kiba ktah ïa ka thain lyngba ki jingwad bniah kiba thymmai,” ong ki heh na NEHU.
Mynta kaba sah ka long sa tang ban leit pyrshang ban pyndonkam ïa kine ki chip ha ki kper slasha.
