Nongstoiñ, Nohprah 11: Halor ka jingktah kaba sniew kaba mih na ka jingthang ïa ki khlaw ki btap, kynthup ïa ka jingpynjot ïa ka mariang, ka jingduh noh ïa ki jingthung jingtep bad ka jingjaboh ka lyer, u District Magistrate jong ka West Khasi Hills District, u bah Garod L.S.N. Dykes IAS, u la pynmih ïa ka hukum katkum ka kyndon 163 jong ka BNSS 2023 bad ka kyndon 223 jong ka BNS Act, 2023.
Lyngba kane ka hukum, la khang pyrshah ban thang ïa ki phlang, ki dieng, bad kiwei kiwei ki tiar ha ki jaka paidbah bad ki jaka shimet, ki khlaw, ki jaka rep, ki park, ki kper bad ki jaka ba rben ha kylleng ka District.
Kiba pynkheiñ kin ngat ha ki kyndon aiñ kiba tyngeh katkum ka kyndon 223 jong ka BNS Act, 2023. Kane ka hukum ka treikam mardor bad kan treikam haduh ban da pynbna da kumwei pat.
