Shillong, K’ Lyngkot 23: Ka Deputy Commissioner ka East Khasi Hills ha ka sngi palei, ka la pynmih ïa ka hukum ba khang ïa ki kali kit skum ne trok, pickup ba kit palat pud, ba kin rung sha sor Shillong.
Ka hukum ka ong ba ka jingïaid jong kine ki kali ba kit palat pud, ka buh ha ka jingbym shngaiñ bad jingma bad ki lah ban ïa takhuh bad ki waïar bording, kaba lah ban lam sha ka jingpluh ding kaba shyrkhei.
Ki skum kiba hab na kine ki kali ki la pynjaboh ruh ïa ki surok ha ki shnong ki thaw, bad pynsep ei ïa ka jingpynkhuid shnong ba shisien shisnem jong ki shnong ki thaw.
Ka hukum ka la maham ruh ba kino kino kiba pynkheiñ ïa kane ka hukum, kin shah pynsajia hapoh ka kyndon 223 jong ka BNS.
