Shillong, K’lyngkot 17: U MP jong ka TMC sha Rajya Sabha u Derek O’Brien ha ka sngi Ba-ar u la pynlut por ban ïakren bad ki samla pule ka Don Bosco Higher Secondary School, Tura. Ha kane ka jingïakren bad ki samla pule u Derek u la ïathuh ïa ki lynti ïaid kiba u la mad bad uba la pyni ïa ka jingdonkam ban mad ïa ka jingshah rem na bynta ban sngewthuh ïa ka dor jong ka jingjop.
U la ong ba dei tad ynda la mad ïa u soh kthang jong ka jingshah rem ba ngin lah ban sngewthuh ïa ka jingthiang jong u soh ka jingjop.
“Ban long kiba jop ha ka thma ka jingim kaba donkam ka long ban pynleit jingmut ïa kaei kaba phi leh, ban trei shitom, ban shaniah ha lade, ban ïai shah,” u la ong.
Ha kane ka sngi kumba 1200 ngut ki samla pule ki la ïoh ban sngap ïa ka jingkren une u MP bad kumjuh ban kylli jingkylli.
Lah ban kdew hangne ba u O’Brien u la wan sha Meghalaya naduh kine ki sngi baladep bad kane ka jingwan ka long ban ïalap elekshon MLA na ka bynta ka Seng TMC ha ka Meghalaya
