Pynlong prokram ka Switch ON Foundation ban kyntiew bad pynneh ïa ka rukom rep rukom riang

Shillong, Jylliew: Ka Switch ON Foundation ha ryngkat ka jingïatreilang bad ka NABARD ka la pynlong ïa ka awareness program na ka bynta ka Farmer Producer Organizations kum kawei na ka bynta jong ka Mission LiFE campaign.
Ia kane ka prokram la pynlong hapoh ka Community Hall ha (Rngikseh) Mawthadraishan. Ka jingthmu jong kane ka program ka long ban kyntu ïa ki nongrep ba kin sdang noh ban pyrshang da ka rukom rep kaba pynneh pynsah ïa ka mariang bad ban pynduna ïa ki jingktah jong ka jingkylla jong ka mariang ne ka climate change.
Ha kane ka program la don shibun kiba la wan ïashim bynta kiba kynthup ïa ki nongrep lem bad ka DDM NABARD kaba la ban jur ïa ka jingdonkam ïa ngi iwei pa iwei ba ngin ïasnohkti lang da ki jingleh kiba rit ban pynduna ïa ki jingktah ba mih na ka jingkylla jong ka mariang.
La pynshai ruh sha ki nongrep shaphang ki mat ba kongsan kum ka jingkunai ïa ka um bad ïa ka bording, ka jingsangeh ban pyndonkam ïa ki single-use plastics, ka rukom rep kaba pynneh pynsah ïa ka mariang, ka rukom buh ïa ki jaboh bad ki e-waste, bad kumno ban pdiang ïa ka rukom im kaba koitba khiah. Ki topic ne ki mat ha kane ka awareness program ki kynthup ruh ïa ka “Agri culture for sustainable development,” “global environmental changes” bad “plant resource utilisation.”
U Vinay Jaju, MD, SwitchON Foundation u la ong ruh ba ha ka Switch ON Foundation, ki ngeit ba ka jingïatreilang ka long kaba kongsan ban ban pyn sngew halor ka jingkylla ka mariang bad ka jingjot noh jong ka mariang. Lyngba ka jingpynsdang kum ka Mission LiFE, ngi thmu ban pynkupbor ïa iwei pa iwei bad ïa ka imlang sahlang hi baroh kawei ban long ki nong wanrah ïa ki jingkylla ban pynneh pynsah ïa ka mariang.
Ka DDM NABARD ka ong ruh ba ka long kaba donkam eh ïa ngi ba ngin pynneh ïa ka mariang, bad ba ngin ïatreilang ban wanrah ïa ka lashai lashisngi kaba khuid ba suba bad kaba koit ba khiah. Ka la ïathuh ruh ba ka Mission Life ka dei ka jingsdang kaba rit kaba aibor ïa iwei pa iwei bad ïa ka imlang-sahlang ban wanrah ïa ki jingkylla kiba bha ha ka mariang. Ka aikhublei ruh ïa ka SwitchON Foundation na ka bynta ka jingtrei shitom jong ka ha kaba pynïaid ïa ka awareness program, bad ruh na ka bynta ka jingkyntiew jong ka ban pyrshang ban pynneh pynsah ïa ka mariang.
Iwei na ki nongmihkhmat na KaThup ki Nongrep Producer Cooperative Society Limited i ong ba ki sngew kmen shibun ban wan sha kane ka awareness program kaba la pynlong da ka SwitchON Foundation. I la ong ba kasne ka la pynplie ïa ki khmat jong ki halor ka jingdonkam ban sumar ïa ka Mariang bad ban ri ban ïada ïa kiei kiei kiba don ha ka Mariang. Ki da shimkhia ruh ban pyrshang noh da ki rukom kiba pynneh pynsah ïa ka mariang ha ka rep ka riang bad ha ki rukomim ba man ka sngi.
Ha kane ka program, la phah ruh ïa baroh kiba ïashimbynta ban shim smai ba kin sumar ïa ka mariang, ban kyntu ïa ki ba kin mih shakhmat ha kata ka jingïalap ne campaign ban pyrshang ban pynneh pynsah ïa ka mariang ha ka jingim jong ki kaba man ka sngi.