Shillong, Jymmang :Ka NSS Cell, NEHU hynne ka sngi kala pynlong ïa ka prokram ba shi sngi halor ka ‘Yoga’ hapoh Community Hall, NEHU, kata kum ka jingpynkhreh halor ka jingrakhe ïa ka “International Yoga Day” ka ban long ha ka 21 tarik u Jylliew 2022.
Ha kane ka prokram ba la pynlong ryngkat ka jingïatreilang bad ka Meghalaya Yog Samiti, Shillong la wan ïashim bynta da shibun bah ki dkhot volunteer ka NSS na ki kolej bad ki jaka pule bapher bapher jong ka nongbah Shillong.
Ha kane ka prokram la ïa don lang ruh u Prof. S. B. Prasad, Vice-Chancellor Incharge kum u Kongsan bad u Bah F. Rumnong, State NSS Officer, Govern ment of Meghalaya kum u Symbud Kongsan.
Na ka liang u Dr. M. M. Khymdeit, NSS Programme Coordinator, NSS Cell, NEHU u la ai ïa ka jingkren pdiang bad ïa ka jingkren ai khublei la ïoh na u Dr. S. Kharmawphlang, NSS Programme Officer, NSS Unit, NEHU, Shillong.Hadien kane la pynbud da ka jingïashim bynta ha ka jingleh yoga kumba la kdew da ka Ministry of Ayush ha ka jingïalam jong ka kynhun na ka Meghalaya Yog Samiti. La pynkut noh ïa kane ka prokram da ka jingsam ïa ki syrnot sha baroh ki nongwan ïashim bynta da u Bah F. Rumnong, State NSS Officer, Government of Meghalaya, Shillong.
