Khliehriat nailur 16: Ka Jaiñtia Students Union East Jaiñtia Hills District, mynta ka sngi ka la pynlong ïa ka prokram ba kyrpang ha St’ Anthonys College Byndihati, ban pynshai halor ka jingshyrkhei u drok bad kane ka jingpynlong prokram ka long ruh kum shi bynta kum ka jingïaid lynti ban rakhe ïa ka jingdap san phew snem ka jingioh jylla ka Meghalaya bad kumjuh ruh ka jing rakhe ïa ka jingdap 50 snem ka seng.
Ïa kane ka prokram la pynlong ha ryngkat ka jingïatreilang bad ka ophis u Deputy Commissioner, ka ophis u Superintendent of Police East Jaiñtia Hills District ryngkat bad ka MCSWA-TI-CC khliehriat, kiba la wan ban ai jingpynshai ha kane ka prokram ki kynthup u Sub Inspector, u bah S.Thamar, ka Programme Manager jong ka MCSWA-TI-CC khliehriat, kong Rinibet Patlong bad kiwei kiwei.
Ïa ka prokram la pynïaid da u General Secretary JSU, seng kmie, u samla Treibor R Suchen bad la ïa don ryngkat lang ka Extra Assistant Commissioner East Jaiñtia Hilld District, ka kong F.Wann, MCS, u Principal ka St.Anthony’s College Byndihati, u Fr George Lyngkhoi, u President JSU seng kmie, u samla Jersom Shylla, u President ka South Border Zone u samla Ajoyminson Lyngdoh bad kiwei kiwei.
Ka kong Renibet Patlong ka la ai jingkren halor ka imlang sahlang kaba lait na u drok lane “A drug free society”
Kiba la ai jingkren ki kynthup ruh u bah Heibor Pariat, uba dei u nongtrei barim jong ka Voluntary Health Association Meghalaya (VHAM), samla Jersom Shylla bad kiwei kiwe.
La ong ruh ba ka seng kan sa nang ïai pynlong shuh ïa kum kine ki prokram ban ai jingpysnhai halor ka jingsniew u drok bad ka jingshah ktah ka imlang ka sahlang ha u drok.
