Shillong, Jymmang : Ka Meghalaya Social Development Society (MSDS) ka la pynlong ïa ka prokram aijinghikai ka ba ar sngi ha ka ba ïadei bad- ki lad kamai kajih na ka bynta ki kynhun SHG (Self Help Group) ha sor Shillong ha ka 20 bad 21 tarik mynta u bnai ha KJP Assembly Conference Centre, IGP, Shillong.
ïa kane ka prokram la bei tyngka da ka ophis ka Deputy Commissioner, East Khasi Hills District lyngba ka District Planning Officer, East Khasi hills hapoh ka VAF (Voluntary Action Fund).ïa kane ka prokram la wan ban plie da I Kong Eva Nongrum, CO (Community Organizer) jong ka Shillong Municipal Board. Haba kren ha kane ka sngi, I Kong Nongrum I la pynpaw ka jingkmen kaba khraw ban ïohi ïa ki dkhot ka kynhun SHG kiba wan shakhmat ban ïoh ïa ka jinghikai ka ba long ka jingmyntoi na ka bynta jong ki.
I la bynrap da kaba ba ong ka Shillong Municipal Board lyngba ka project DAY-NULM (National Urban Livelihood Mission) ka pyntreikam ïa kane ka project lyngba ka RO (Resource Organisation) kaba dei ka MSDS ban seng ki SHG ha ki jaka kiba hap hapoh ka SMB bad sawdong ka sor Shillong. I ong ba ka jingthmu jong kane ka jngai jinghikai ka long ban sam ïa kane ka jinghikai ka ba long ka lad jingïarap ïa ki kynhun ne ki group ha kaba hadien ka training ki la ban sdang kino kino ki kam barit na ka bynta ban kyntiew shuh shuh ha ka liang ka ïoh ka kot.
Nalor kata I la ong ruh ba ka SMB ka don ki skim bapher bapher na ka bynta kine ki kynhun ne ki dkhot ka SHG ba kin lah ban sdang ïa kino kino ki kam barit ha ka sut kaba rit. I Kong Nongrum I kitbok kitrwiang bad ngeit skhem ba ki dkhot ka SHG kin shim khia ïa kane ka jinghikai kaba long ka jingmyntoi na ka bynta jong ki.
Baroh ki don haduh kumba 30 ngut ki dkhot ka SHG kiba la shim bynta ha kane ka jinghikai kynthup hynriew ngut ki nongtrei jong ka KJP Assembly kiba dei khmih ïa ki tnat bapher bapher jong ka Balang.
Kiwei pat kiba kren ha kane ka prokram ba la pynïaid da U Bah Albinus Nongkynrih, President, MSDS ki kynthup ïa I Bah Dominic Lyngdoh, Rtd Jt. Director Agriculture & Consultant MBDA & Senior Asso ciate member MSDS, Bah George Baskey, nano entrepre neur mushroom unit, Mawpdang, I Bah Desmond Thabah, Secretary MSDS & naano entrepreneur CSC.
Ka jinghikai ha ka sngi ka ba nyngkong ka kynthup ïa ka jinghikai ban thung tit ha ka ba la ai da I Bah Donbok P. Shadap, Master trainer & Field Coordinator-MSDS. Hadien bud ka jinghikai ” Best of Wastes” (Kiei ki jingmyn toi ba ngi ïoh na ki mar ki mata, ki tiar ki tar kiba la bret bad kyntait) ba la shim da I Kong Markynti Thangkhiew, nano entrepreneur, art & craft bad dkhot ka Lamlynti SHG, Jail Road, Shillong
Katba ha ka sngi ka ba bud jong ka jingai jinghikai ka dei shaphang ka “Food Processing” (ka jingshna ïa ki umsoh bad ka jam) ba la shom da I Kong Persaralin Dohling, Master Trainer Livelihood – MSDS & President Iatyllilang SHG, Ri Bhoi District. Ka phang kaba ïadei bad ki skim bapher ha kaba ïadei bad jingsdang ïa ka kam bapher bapher la ai da I Kong on Ilene M. Paila, Programme Executive (Lobbying & Advocacy) MSDS. Ka phang ha ka ba ïadei bad “packaging, labeling bad on-line application of FSSAI” la shim da I Bah Desmond Thabah, Nano Entrepreneur CSC.
La pynkut ïa kane ka prokram aijinghikai da ka ka jingpynsngew na ka liang ki nongïashim bynta halor ka jingai jinghikai da I Kong Eva Nongrum, CO, SMB bad ka jingaiti ïa ka “Certificate of Registration sha ki 6 tylli SHG da I Kong Nongrum kiba kynthup ïa ka Trei minot SHG, Mawprem, Kiewshaphrang SHG, Mawprem, Kyntiewlang SHG, Mawlai, Kyrmenlang SHG, Jaiaw, Lamlynti SHG, Jail road and Umpohliew Jingkyrmen, Nongthymmai.
Kum ban shu pynkynmaw hangne ba ka MSDS ka la soi kular bad ka Meghalaya Urban Development Agency (MUDA) kaba dei ka nodal agency ban pyntreikam ïa ka project DAY- NULM (National Urban Livelihood Mission) ha kaba ka MUDA ka la aiti sha ka Shillong Municipal Board bad pyntreikam ïa ka bad ka Shillong Municipal Board ka la pynkhamti sha ka MSDS kaba dei ka RO (Resource Organisation) ban pyntyllun ïa kane ka project kaba ïa dei bad ka jingseng ïa ki kynhun SHG hapoh ka Shillong Municipal bad sawdong ka sor Shillong.
