Jowai, Risaw 10: Ka prokram ai jinghikai (workshop) ba shi sngi ïa ki nongseng kam lajong la pynlong mynta ka sngi 10 tarik u Risaw da ka District Commerce & Industries, Jowai ha Conference Room jong ka ophis DCIC, halor ka skim Raising and Accelerating MSME Performance (RAMP).
Ha kane ka prokram la wan ban donlang da u General Manager DCIC bah B Warjri, ka kong S E Kharpran, Functional Manager, DCIC, bah E Pyrbot, Functional Manager, DCIC, bah S. Pale, IPO, nalor kiwei de ki ophisar na ka tnad DCIC.
U General Manager DCIC Shri. B Warjri, ula pynsngew kino kino ki prokram bala pynlong shaphang ka skim RAMP kin ïarap shibun eh ban ïoh jingtip ban pynkiew shaphrang ïa ki kam la jong (business). Ha ka juh ka por u kyntu lada ki nongseng kam ki kwah ban ïoh jingtip ba kham bniah ki lah ban ïa kynduh ne phone ïa ki ophisar katei ka tnat.
U ma E. Suting, uba dei Principal Good Shepherd School, Khimmusniang, Jowai, kum u riew shemphang ula ai mynsiemïia kitei ki trai jylla kiba dei ki nongseng kam la jong ba kin wan shakhmat hakum kine ki prokram ai jinghikai khnang ban ïoh jingtip ba kham bniah shuh shuh.
Ula pynsngew ïa ka kam kaba ula sdang da kaba kdew ruh shaphang ki lad jingïarap kiba lah ban ïoh na ka sorkar. Da kaba kyntu ïa ki nongseng kam la jong ba kin pylleit jingmut bha da kaba trei shitom ïa ka sap ba ki don ban pynkiew ïa ka kam jong ki.
Na ka liang ka kong S.E Kharpran, Functional Manager DCIC kala kyntu ban don ka mynsiem ha ka kam ba ki trei, da kaba ong ka kam lajong ka long lad jingmyntoi ym tang ban pynkiew ïa ka kamai kajih, hynrei ka long pat ka lad ban ai kam ïa kiwei ba kin sdang ïa ka kam la jong.
U ma E. Pyrbot. Functional Manager, DCIC ula ai jingbatai halor kane ka porkram bad ki skim jong ka, ula pyntip shaphang ki bynta ba donkam jong ka RAMP bad ki lad jingmyntoi kiba lah ban ïoh hapoh kane ka skim.
