Shillong, Jylliew: Ka NSS unit jong ka William Carey University, Meghalaya ha ka 10 tarik mynta u bnai ka la pynlong ïa ka prokram aijingsumar (Medical Camp), shi bynta jong ka prokram ba kyrpang ka NSS hapoh ka shnong Mawblang bad Jongksha ki ba hap hapoh Mawkynrew C&RD Block, East Khasi Hills.
ïa kane ka prokram la pynlong ha ryngkat ka jingïatreilang bad ka Jongsha PHC, hapoh ka jingïalam jong I doktor Arkhambha Nongbri bad doktor Lari B. Lyndem. Ha kane ka prokram la ïoh ruh ban sam ei ïa ki dawai dashin sha ki nongshong shnong jong ka shnong Mawblang.
Na ka liang jong u Bah F.Rumnong, State NSS Officer Meghalaya u la wan ïashim bynta lang ha kane ka prokram aijingsumar bad pynshlur ïa ki dkhot NSS Volunteer ba kin ïai bteng ïa ki ba kum kine ki kam babha na ka bynta ban aijingshakri ïa ka imlang ka sahlang.
