Mawkyrwat, ‘Nailar, 18: Ka South West Khasi Hills District Swimming Association (SWKHDSA) ryngkat ka ophis jong u Deputy commissioner, South West Khasi Hills District lyngba ka jingkyrshan da ka ophis u District Sports Officer, South West Khasi Hills District ka la pynlong ïa ka jingïakop jngi-um kaba la tip kum ka 5th Annual Swimming Competition ha Phot Umnew, Mawkyrwat.
Kiba ïadonlang ha kane ka sngi ki long u bah T. Lyngwa, IAS, Deputy Commissioner, South West Khasi Hills District, u bah L.T. Tariang, MCS, Additional Deputy Commissioner, South West Khasi Hills District, u bah D. Syngkon, District Sports Officer, South West Khasi Hills District, bad kiwei de ki riew rangbah.
Ki nongjop ha ka liang ki kynthei ha Freestyle 50m ki long ba 10 – 11 snem ka Gesefanaria Marweiñ, ka Naphibanpynshai Ryntathiang, bad ka Saphiwanlang Nongbsaw, 15 haduh 17 snem ki long ka Ibajanai Wanniang bad ka Wanpyndapbiang Khyllemkharai, ki 12 haduh 14 snem ki long ka Barikynti Nongbsaw, ka Orpalis Marngar, bad ka Phibawanpli Lyngkhoi.
Na ka liang ki shynrang Freestyle 50m ki long 10 haduh 11 snem ki long u Maikansam Nongsiej, kiba 12 haduh 14 snem ki long u Balajied Vaichei, u Wanshwa Thongnikhar bad u Mangkyrpang Lyngdoh. Ha ka Backstroke ba 50m kilong u Mangkyrpang Lyngdoh, u Mankhrawname Nongsiej bad u Marvelous Marngar.
Kiba ha ka kart aba 15 haduh 17 snem jong ki shynrang kata ha ka Freestyle 50m ki long u James Anderson Kharlyngdoh, u Mebansan Sangma, bad u Ridaphi Vaichei. Ha ka Butterfly ba 50 m ki long u Mebansan Sangma bad u Ridaphi Vaichei. Nangta, ha ka Breast-stroke ba 50m ki long u James Anderson Kharlyngdoh, u Mebansan Sangma bad u Ridaphi Vaichei.
Ki nongjop ha ka liang kiba la kham heh ha ka Breast-stroke 100m jong ki shynrang ba 18 snem shaneng ki long u Khrawkupar Lyngdoh, u Fuljunesing Marngar bad u Willam K. Sangma, katba ha ka Freestyle pat ki long u Fulljunesing Marngar, u Dawanshwa Kharwanniang bad u Willam K. Sangma.
Shuh shuh ki nongjop na ka liang ki kynthei kiba la khamheh kata 18 snem shaneng ha ka Freestyle ba 50m ki long ka Sumarbiang Mawlong, ka Happymerry Lyngkhoi bad ka Wandarihun Khyllemkharai. Nangta ha ka ka Breast-Stroke ba 50m ki long ka Sumarbiang Mawlong, ka Evenjoplin Langte bad ka Wandarihun Khyllemkharai.
Ha kane ka sngi ka la don don ka jingïalang ha kaba ki la ïa kren sani halor ka jingdonkam ïa u nonghikai ne Coach ha kaba ïa dei bad ka kam jngi khnang ba ki samla ki ïoh jinghikai ba paka. Nangta, la ïoh ruh ïa ka jingpynthymmai ïa ki nongkitkam na ka bynta u snem 2023 – 2026 kata President u bah H.S. Diengdoh, Vice President u bah K.L. Lyngdoh, Secretary u bah Welljune Nongsiej, Asst Secretary u bah Walter June Kharlyngdoh, Finance Secretary Arboklang, ki dkhot na Umpung u bah Robertson Basan, Organising Secretary Banrikupar Nongsiej, Auditors u bah Masterly & u bah Pynskhembor.
