Pynlong ka NSO, Shillong ïa ka prokram jingpynkhuid kum shi bynta ka Special Campaign 5.0

Shillong, Risaw 09: Ka Tnad Statistics and Programme Implementation ka la pynlong ïa ka Special Campaign 5.0. Ki bynta ba kongsan jong ka Campaign ki kynthup ïa ka jingpynbeit bha ïa ki jingeh jong ki paidbah, ki jingkren na ki dkhot jong ka Ïingdorbar Parliament, ki jingpynthikna jong ka Ïingdorbar Parliament, ka jingpynkhuid ha ki jaka trei bad sawdong ka jaka, ka jingpynkhuid ïa ki jaboh bad ka jingpynkhuid ïa ki file. Ïa kane ka Campaign la sdang da ka bynta ba pynkhreh naduh ka 15-30 tarik u Nailur 2025 ban ithuh ïa ki thong ban shim na ka bynta ban pynkhuid ha ka por ba pyntreikam kaba sdang naduh ka 2 tarik u Risaw 2025 haduh ka 31 tarik u Risaw 2025.
Ha kane ka Campaign, ka NSO (FOD) Regional office Shillong, la ban jur ïa ka jingpynïaid bad jingpynbha ïa ka jaka treikam ha ki ophis ryngkat bad ka jingpynitynnad ïa ki ophis bad ka jingkhuid jingsuba.Kum shibynta jong kane ka Special Campaign 5.0, ka National Statistics Office, Field Operations Division, Regional Office Shillong ka la pynlong ïa ka prokram jingpynkhuid ha kylleng ki bynta jong ka Ward’s Lake ha ka 9 tarik Risaw 2025 ïa kaba la aiti ha u RO Shillong. Kum shi bynta jong kane ka campaign la pynlong ruh ïa ka jingpynkhuid ïa ka ophis bad ki jaka treikam ha ka NSO (FOD) RO Shillong, ha kane ka campaign; la pynlong ruh ka jingpynkhuid ïa ki file, ka jingpynkhuid ïa ki jaboh & ki tiar ba la duh. Ha kane ka prokram la ïashim bynta shitrhem da ki Ophisar bad ki nongtrei jong ka ophis jong ka NSO (FOD) RO Shillong ryngkat ka thong ban pynlong ïa ki sawdong sawkun jong ka ophis bad ka thaiñ Shillong kum ka jaka kaba khuid.