Khliehriat Naiwieng 08 : Ka National People’s Youth Front (NPYF), East Jaiñtia Hills District Unit, ha ryngkat ka jingiatreilang bad ka Downtown Hospital, Guwahati, Assam, hynnin ka sngi ka la pynlong ïa ka prokram sam dawai ei ha shnong Huroi East Jaiñtia Hills Districy, ka shnong kaba don ha khappud bad ka ri Bangladesh.
Ha katei ka sngi ba pynlong ïa katei ka prokram sam dawai ei ne Free Medical Camp la ïa don ryngkat lang ruh ka MLA jong ka Sutnga-Saipung constituency, ka kong Santa Mary Shylla, kum ka kogngsan bad haba kren ha ka jingialang ka la ong ba kane ka jingiatreilang jong ka National People’s Youth Front (NPYF), East Jaiñtia Hills District Unit lem bad ka Downtown Hospital kaba dei ka shlem ai jingsumar kaba la paw bha ka dei shisha ka kam kaba don jingmut ha kaba wanrah ïa ki lad jingsumar sha ki paidbah nongshong shnong, ka la ai ka jingiaroh ïa ka jingshim khia ka NPYF bad ka Downtown Hospital halor ka jiinglah ban wanrah ïa ki lad jingsumar wat shaduh ki jaka kiba kyndong.
Ha katei ka prokram la ïa don ryngkat lang ruh u Secretary, NPYF East Jaiñtia Hills District Unit, u bha Daiapherbha Lamare, u Business Development Manager (BDM) jong ka Downtown Hospital, Guwahati, u Nikhilesh Sarma, u bah Iaikmenlang Lamare uba na ka Radiology Department kumjuh ruh ka kynhun jong ki nurse, ki doctor kiba na Downtown Hospital kiba pyniaid ïa ka kam ha katei ka prokram ai jingsumar ei ïa ki paidbah ha shnong Huroi.
U bah Daiapherbha Lamare, u la ai ka jingkhublei sngewnguh ïa ka kynhun kaba na Downtown Hospital kaba la ai ka jingiatreilang bad kumjuh ruh ka kong Santa Mary Shylla kaba ju ai ka jingkyrshan bad kaba ju ai mynsiem ïa ki paidbah , u la ai khublei ruh ïa baroh kiba dobynta lang ha kaba la lah ban pynlong ïa kane ka prokram kaba jop bad u la ong ruh ba kane ka prokram ka long kum ka jingai jingshakri ïa ki paidbah ha ka ka imlang ka sahlang ha kaba ïadei bad kaba kyntiew ïa ka koit ka khiah
U Nikhilesh Sarma, uba la wan lang bad ka kynhun na Downtown Hospital, u la ai ka jingiaroh ïa ka jingtreikam ka NPYF kaba la lah ban pynlong ïa kaba kum kane ka prokram bad ruh kaba long kum ka jingai mynsiem shuh shuh ïa ka hospital ba kan nag lah ban trei ïa ka kam ban ai jingsumar ïa ki paidbah ha kiwei kiwei ki jaka ruh.
U bah Iaikmenlang Lamare, uba na ka Radiology Department, u la ai khublei ïa ka NPYF East Jaiñtia Hills District Unit bad kumjuh ruh ïa ki paidbah kiba na ka thaiñ khappud kiba la wan poi sha kane ka prokram sam dawai ei, ai khublei ruh ïa kiba na shnong Huroi kiba la pdiang sngewbha ïa ka kynhun.
U la ong ruh ba kane ka Free Medical Camp ka long kum ka nuksa ba bha ïa ka imlang ka sahlang bad ka jingiatreilang pat ka long kum ka jinghsimkhia ban shakri ïa ka imlang ka sahlang.
