Pynlong ka CBC Field Office Nongstoin ïa ka jinghikai halor ka Swachhata bad ka bam kaba tei

Shillong, Nailur 30 : Ka Central Bureau of Communication, Field Office, Nongstoin, ha ka jingïatreilang bad ka Office CDPO, Nongstoin ICDS Project ka la pynlong ïa ka Outreach Programme halor ka PoshanMaahbad Swachhata Hi SevahaTrysem Hall, Nongstoin ha ka 29 tarik Nailur, 2023.
Ka jingphaikhmat ba kyrpang jong kane ka prokram ka long ban ai jinghikai ïa ki briew shaphang ka bynta ba kongsan jong ka bam kaba tei bad ka jingkongsan ban don ïa ki rukom bam ba koit ba khiah.
Ka Kong B. Rynjah, CDPO, Nongstoin ICDS Project ka la ai jingkren halor ka Koit ka khiah bad ka jinglehkhuid. Ka la ban jur ba ka jinglehkhuid ka ïaid ryngkat ryngkat bad ka Bam kaba tei ban ïada ïa ka koit ka khiah jong u briew da kaba don ïa ka mariang kaba khuid kaba lah ban pynsangeh ïa ka saphriang ka jingpang.
Ka Kong Syiemlieh, Lady Supervisor, Nongstoin ICDS, ka la ai jingkren halor ka Physical Health & Mental Health. Ka la ong ruh ba ka jingkongsan ban bam ïa ki jingbam kiba tei bad ki jingbam kiba dap kyrhai ka protein, carbohydrates, calcium bad kiwei kiwei na ka bynta ki khynnah kiba dang khie samla, ki longkmie kiba dang pun bad ki khynnah.
Nalor ka prokram jingpynkhuid, la pynlong ruh ïa ka jingbamsmaiPoshanbad Swachhata. La pynlong ïa ki jingïakop kum ka Art, Extempore Speech & Best Slogan na ka bynta ki khynnah pule jong ka Nongstoin Public Secondary School bad la sam ruh ïa ki khusnam sha ki nongjop.