Nongpoh, Jymmang 04: Shi bynta kum ka thong jong ka Azadi ka Amrit Mohotsav ban kynmaw burom ïa ka jingdap 75 snem ka ri ba ka la ioh la ka jong ka jingynshar ba lalitlud bad kumjuh ruh na ka bynta ka North East Festival, ka bor synshar district lyngba ka ophis u Deputy Commissioner ka la pynlong da ka Inter School Quiz Competition na ka bynta ki skul ba hap ha ki saw tylli ki Block ha Ri Bhoi District.
Ïa kane ka Inter School Quiz Competition la pynlong ha Science Hall, Nongpoh ha kaba la wanban shim bynta da ki 7 tylli ki skul na Ri Bhoi.
Ïa kine ki kynhun ba la wan ban shim bynta ha kane ka Quiz Competition la ai kyrteng da ka kyrteng jong ki nongïaleh laitluid ka jylla ba kynthup ïa u Pa Togan Sangma, Tirot Sing, Kiang Nongpah, bad ka Phan Nonglait.
Ïa ka nam lahduh jong kane ka Quiz Competition la rah da ka Alpha English Higher Secondary School kaba mihkhmat ha ka kyrteng Pa Togan Sangma bad ïa ka kyrdan ba ar bad balai la rah da ka kynhunTirot Sing ba mihkhmat da ka Myngken Christian Higher Secondary School, bad ka kynhun Kiang Nongbah ba la mih khmat da ka Little Flower Higher Secondary School.
La ruh da ki khunsma bad ki syrnot sha ki nongjop ha kaba ka kynhun lahduh ka rah ïa ka song pisa kaba T. 10000, kaba wan baar T. 6000 bad kaa wan balai T. 4000 ryngkat ki trophy bad ki synot.
Ha kane ka sngi la pynlong ruh ïa kata ka Azadi Ka Amrit Mahotsav Art bad Essay kiba dei ki nongjop ha ka District Level. Ki nongjop ha ka Art category la rah da ka MeECL Secondary School, bud ka Umling Higher Secondary School ha ka kyrdan baar bad ka Jirang Govt. Higher Secondary Schoolha ka kyrdan kaba lai kum kita ki nongjop.
Ha kaba ïa dei ba ka jingïakop thoh essay ïa ka kyrdan ba nyngkong la rah da ka Little Flower Higher Secondary School, bud sa ka Patharkhamah Govt. Higher Seondary School ha ka kyrda kabar bad bali. La sam ruh ïa ki khunsnam pisa, trophy bad ki synot sha ki nogjop ha kaba kaba wan nyngkong ki ioh rah ïa ka song pisa kaba T. 5000, ba wan baar T. 3000 bad kaba wan balai T. 2000.
Kiba la ïa don bynta lang ban ai mynsiem ïa kine ki khynnah skul ha kane ka jingïakop kyntip kyntien (Quiz), ka jingdro dur (Art) bad ka thoh essay la don ryngkat naduh u Bah M.B. Tongper, ADC ka Ri Bhoi bad uba dei ruh u District Planning Officer, ka Dr.Weena Yancey Mrenda Momin, Extra Assistant Commissioner, u Bah. Barnis Tiewla, Assistant Research Officer bad kynthup ruh u Dr. Dr. Ronald Tron, Professor ka St.Edmunds College, Shillong, u Mrinmoy Sangma, District Lead Piramal Foundation bad ka samla Prema Joshi, Gandhi bad ruh ki nonghikai bad na ki 13 tylli ki skul ba la wan ban shim bynta.
