Shillong, Nailur :Ka Associated Chambers of Commerce and Industry of India (ASSOCHAM) ka la pynlong ïa ka prokram kaba lai sngi kynthih kaba la sdang naduh ka 15 tarik mynta u bnai halor ka phang “AYURVEDA PARV” ha ka nongbah Shillong.
Kane ka rynsan ka long ban aijingtip kham bniah shaphang ki rukom aijingsumar ayurvedic. Ha kine ki 3 sngi ka ASSOCHAM kan pynleit jingmut ha kaba ïadei bad ka rukom sumar Ayurveda, Yoga, Naturopathy, Unani,Siddha bad Homeophathy.
Ka ASSOCHAM kala pynlong ïa kane ka prokram ha ryngkat ka jingïansnohkti lang bad ministry of AYUSH, Gov of India.Ka rukom sumar Ayurveda ka dei kaba la don tynrai na India.
Ha kane ka juk kaba mynta la lah ban kham pynjanai shuh shuh ia ka rukom treikam jong ki ayurveda. Ka Ministry jong ka AYUSH ka iasnohkti bad ka sorkar India ban pyniaid ia ka medical tourism lyngba ka “Ayutveda Parv” ban pynjainai ia ka rukom pule, ban pynmih, bad ban pyndonkam ia ki dawai tynrai.
Ka ASSOCHAM kan pylong kyrpang bad shimkhia ia ki rukom sumar ba kham janai na bynta baroh. Kane ka prokram ba lai sngi ka pynleit jing mut ha kiba bun ki bynta, kata kum ka free doctor clinic na bynta ki paidbah nalor ka jingbatai bniah lyngba ki stad Ayurveda. Kane ka Expo ruh ka pynbiang ia ka rynsan na bynta ki company bad riew shimet ban don bynta ha ki Ayurveda, Homeopathy, bad herbal, ha ki kam ki jam ki jong ki.
Ki mat ba kongsan jong ka Ayurveda Parv ki long ban pynjanai ia ki rukom treikam ka Ayurneda.Ban pyntip sa ki paidbah ba ki Ayurveda ki dong ki dawai kiba myntoi. Ban pyni ia ki Ayutveda programe, ki scheme Jong ka sorkar kmie bad jylla. Ban ithuh ia ki kam jong ka Ayurveda ha ki jaka sumar. Ban hikai ia ki jingmyntoi jong ki Ayurveda bad ban ai ia ka rynsan na ka bynta ki khynnah pule, ki nonghikai/bad ki nongshna dawai ban tip kham bniah ia ki ayurvedic bad ruh ban wanrah ia ka jingpynshai bad ka jingialap hapdeng ki paidbah na ka bynta ka jingim kaba koit ba khiah.
