Shillong, Iaiong 17 : Ka Synjuk jong ki Language Department ka Sankardev College Shillong ha ryngkat ka jingïatrei lang bad ka Bansara Eye Clinic, Shillong ka la pynlong ïa ka rynsan jingsumar khmat ei khlem kano kano ka jingsiew na ka bynta ki khynnah pule, ki nonghikai bad ki nongtrei ophis jong ka college. Kum ka sienjam ban shakri lem ïa ka imlang sahlang la khot sngewbha ïa ki khynnah skul ba marjan jong kane ka dong ka thain ba don ka college ban ïashim bynta ha kane ka program.
Ka kynhun ki hynriew ngut ki Doktor kiba wan na Bansara Eye Clinic ki la pyndep ïa kane ka kam. Kumba 145 ngut ki la ïashim bynta lut kynthup ïa I Principal jong ka college, Dr. Eureka F. P. Lyngdoh. La pynlong khnang ïa kane ka
rynsan sumar khmat ei, ka long kum shi bynta na ka jingrakhe ïa ka Diamond Jubilee Celebration jong ka College mynta u snem.
