Pynlong jingialang ka Mahila Congress ha Wapung ba kiew dor ki mar bam bad petrol

Khliehriat Iaiong 8: Ka Mahila Congress Com-mittee East Jaiñtia Hills District kaba hapoh ka jingialam ka President ka kong Jhanika Siangshai ryngkat bad ka Khliehriat Block Congress Com-mittee, mynta ka sngi ki la pynlong ïa ka jingialang ba kyrpang ha Wapung Shnong ha kaba ki la rah ruh ïa ki placard kiba pynpaw ïa ka jingsngew khia halor ka jingkiew dor ki mar bam bad ka jingkiew dor palat ka petrol bad kiwei kiwei ki mar.
Ki nongkren kiba la kren ki dawa bad kyntu jur ïa ka sorkar pdeng bad kumjuh ka sorkar jylla ba kin pyrkat lem halor kane ka jingkiew dor.
U President jong ka Khliehriat Block Congress Committee, u ma Thunda Sana, u la ong ba kane ka jingkiew dor ki mar bam ka ktah ïa ki paidbah khamtam kito kiba duk, ki kup shiliang, ki sem shiliang, khamtam ha East Jaiñtia Hills District, ki paidbah ki la shah ktah ha ka kamai kajih naduh ba khang ka National Green Tribunal ban tih bad ban shalan dewiong kumta u la kyrpad ïa ka sorkar ba kan pyrkhat lem ban pyn hiar ïa ka dor jong ki mar bam.
Ka President jong ka Congress Wapungskur Unit, ka kong Darisha Ryngkhlem ka la ong ba ki padibah ki dei ban ieng ban iatylli ban pyrshah ruh ïa ka jingkiew dor ka L.P.G Gas bad ka Diesel, ym tang katta ka ktah ruh ïa ka pule puthi jong ki khynnah, ka la kyrpad ïa ka sorkar ban pynhiar ïa ki dor ymban shu kynnoh ïa ka thma kaba jia ha kiwei pat ki ri.
Ka kong Jhanika siangshai, ka kren halor ka jing shim khajna palat ïa ki dawai ka la ong ruh ba “Ngam sngew iahap ba naduh ka 1 tarik u iaiong la pynkiew dor ïa ki dawai, kane ka ktah namar ba baroh ngim lah ban iaidlait na ka jingdih dawai, ka sorkar ka kam don shuh ka jingsngew lem ka la shu shim khajna lut na baroh. shuh shuh naduh ka 1 tarik iaong hap ban link ïa u adhar bad ka pancard ruh lym kumta hap ban siew khajna T500 tyngka, ha kawei ka liang, ka East Jaiñtia Hills ka ba ngi ju ioh ïa ka jingkyrshan na ka jingkhaïi dewiong naduh ki nong jied maw sleit bad ki nongkhaiï bad baroh ngi tip ba ka jingkhang ïa ka jing tih dewiong ka wanrah ïa ka jingkyrduh ka ba shyr khei, kumta nga kyrpad ïa ki paidbah to ngin ïa kyndit bynriew ngin ïa ieng pyrshah ïa ka jingkiewdor jong ki mar bam,ki LPG gas, dawai, petrol bad ki wei wei de, nga kyrpad ïa ka sorkar ba kan shah shkor lem ïa kane ka jingdawa ka ba long na ka bynta ka jing bit jingbiang ki paidbah”