Pynlong ‘Health Camp’ ka SURE ha Moodymmai, palat 130 ngut ïoh dawai ki paidbah ka thaiñ

Jowai, Lber 27: Ka Society for Urban & Rural Empowerment (SURE) kum shi bynta jong ka jingpyntrei kam ïa ka Link Worker Scheme kala pynlong ïaka Health Camp mynta ka sngi 26 Lber ha ka shnong Moodymmai kaba hap ka poh ka Thadlaskeiñ Block West Jaiñtia Hills District.
Ha kane ka programe palat 130 ngut ki nongshong shnong ki la wan shim dawai na kane ka health camp. Haka ne ka programe la don ruh u Dr. E. Lytan u ba dei u Doctor u ba la pyntbit ha ka ba ïa dei bad ki khynnnah namar kata ki don ruh bun ki khynnah kiba lawan ban ïoh ïa ka Medical Check-up ha kane ka sngi.
Ïa ka jingïalang ban plie ïa kane ka Health Camp la pynïaid da ka kong Darimika Lywait kaba long ka Zonal Supervisor jong kane ka project. Ka kong Darimika Lywait ka la pynshai shaphang kane ka project Link Worker Scheme kaba trei na ka bynta ki briew ki ba lah ban ïoh ïa ka jingpang HIV AIDS.
Ha ka jingkren jong u Dr E Lytan uba dei u Doctor bala pynkyrpang na ka bynta ki khynnah ba trei hapoh ka Jowai Civil Hospital, Ialong u la kyntu ïa ki pait nongshong shnong ban shim ïa ki jingshakri kiba la ai lyngba ka Sub-Center ka ba don ha ka shnong jong ki. Ha ka jingkren jong u la kyntu ïa ki longkmie ba ki wan ai check ïalade ha ka por ba ki armet bad kumjuh ruh ban ai tika tikna ïa ki khun jong ki. Ula ong ruh ba lah ban pynkha khun ïaki longkmie ruh ha ki Sub-Centre.
Ha ka jingkren jong ka kong Niwanka Shylla kaba trei kum ka Zonal Supervisor kala batai shaphang ka SURE ka ba long ka seng treimon sngewbha jong ka balang Unitarian kaba ka ophis jong ka dei ha kompon ka ïingmane kane ka Balang ha Jowai. Kane ka seng kala pyntrei ïa ka Link Worker Scheme ka ba la bei pisa da ka Meghalaya Aids Control Society Shillong.
Ïa ka jingkren pdiang sngewbha la ïoh na ka kong Blosom Passah kaba la mih khmat na ka bynta ka dorbar shnong Moodymmai. Ka kong Passah kala ïaroh ïa ka jingkloi jong ka Seng bad ki doctor ban wan ai jingïarap ïa ki nongshong shnong ka shnong Moodymmai.
Nalor jong u Dr Lytan la ïa donlang ruh u Dr B. Nongkhlaw uba long u Medical and Health Officer jong ka Jowai Civil Hospital ban ïarap ha kane ka Health Camp. Baroh kiba sha kane ka chekup kila ïoh ruh ia ki dawai. Ïa ki dawai la pynbiang da ka ophis jong u District Medical and Health Officer, West Jaiñtia Hills bad kumjuh ruh naka ophis jong ka SURE.