Shillong, Ïaïong 22: Ka Nongrim Hills SC kala pynliem da 1-0 pyrshah ïa ka Umphyrnai SC ha ka First Division ha ka jingïakhun ha ka sngi Thohdieng ha madan MFA, Polo, Shillong.
Ha ka kylla step ka jingïakhun hapdeng kine ki ar tylli ki team ka long kaba ïakhaid bha khlem da don ba lah ban ïathep kol. Dei ha ka kylla miet, ka Nongrim Hills kala ïoh ban pynkhih jar ïa kaba la thep da u Phibankhraw Nongkhlaw ha ka minit ïalehkai ba 56 bad khur syndon ïa ka nam jop.
