Pynliem ka Jatah Lakadong ïa ka New Nongryngkoh ka Khlieh Asem ïa ka Mawlang
Kut noh ka Round ba nyngkong jong ka Zone 4
Shillong, Nailur 29 : Ka kylla (round) kaba nyngkong kaba dei ka Zone 4 jong ka lympung ïalehkai phutbol Mawkynrew Cup 2022-23 ka la poi noh sha kaba kut ha ka sngi Palei ha madan Jatah Lakadong.
Kitei ki ba la ïakhun ha kane ka sngi ki long ka Jatah Lakadong pyrshah ïa ka New Nongryngkoh bad ka Mawlang SC pyrshah ïa ka Khlieh Asem SC. Ha ka jingïalehkai kaba nyngkong ka Jatah Lakadong ka la pynliem da 3-1 ïa ka New Nongryngkoh. Ïa ki kol la thep da u Bulnus Mynsong (4,37 min) bad shi kol la ïoh ei na u Lodistar Suting (10min) katba ïa ka shi kol na bynta ka New nongryngkoh la thep da u Kyrhai Suting (40 min).
Ha ka jingïalehkai kaba kadduh, ka Khlieh Asem SC ka la pynliem lyngba ka jingshut penalty da 4-1 ïa ka Mawlang SC.