Pynlait ka sorkar ïa ka pisa T. 6.17 klur ka Umbrella Scheme of Post Matric Scholarship

Shillong, Nailur 08: Ka sorkar jylla ka la pynlait ïa ka pisa kaba T. 6.17 klur na ka bynta ka Umbrella Scheme of Post Matric Scholarship, kaba lah ban ka jingmyntoi ïa ki 10,346 ngut ki samla pule riewlum ha ka jylla.
Kane ka pisa kadei ka jingpynlait pisa kaba ar ne ka 2nd installment na ka bynta ka snem pule 2024-25, ba kynthup ruh ïa ki samla kiba leit pule ha ki professional degree, postgraduate, bad doctoral course.
Katkum ka kyrwoh ba la pynlait da ka Director of Higher and Technical Education ha ka sngi nyngkong ka la ong, “Ka second instalment jong ka Umbrella Scheme ka Post Matric Scholarship na ka bynta ki samla pule Scheduled Tribe (ST) na ka bynta ka snem pule 2024-25 (Fresh and Renewal) lah dep ban pynlait sha ki 10,346 ngut ki samla kiba la aplai halor ka Professional Degree, Postgraduate, bad Doctoral Course.”
“Ïa ka pisa kumba T. 6.17 klur lah dep ban phah, khamtam sha kito ki samla pule kiba khlem pynïasoh bad u Aadhaar ha ki bank account jong ki. Katkum ki jingbthah ka Ministry of Tribal Affairs, ka sorkar pdeng, ka khlem pynlait ïa kiwei ki instalment lada ki balance ba khlem pynlut ki dang don ha ka SNA scholarship account,” ka la ong bad bynrap ruh ba lada la pyndonkam ïa kane ka balance, ka tnat kan ïaid shakhmat ban pynlait ïa ka second instalment na ka sorkar pdeng.
Ka kyrwoh khubor ka ïathuh ruh ban ïarap ïa kiwei pat ki scholarship jong ki 60,226 ngut kiba aplai kiba dangsah ka tnat ka donkam sa kumba T. 102.4 klur.
“Kumba ju long kane ka pisa la pynlait da ka sorkar pdeng ha ki 2-3 instalment. Hapoh ka jingbthah jong u Myntri Rangbah ka tnat kan pynlait ïa baroh ka scholarship kaba dang sah shisien pynlait da kaba mang ruh na ka pisa jong ka jylla,” ka la ong.
La ong ruh ba ka scholarship kaba pura yn sa pynlait sha kiwei pat ki samla ha ka taïew baar jong u bnai Nohprah 2025.