Shillong, Nohprah 20 : Ka sorkar Jylla ka la pynkynriah kam bun ngut bha ki heh sorkar da kaba tynrong kam shuh (portfolio) da kaba phah ruh ïa ki kylleng ki tnad bad ki distrik bapher bapher jong ka jylla.
Katkum ka jingpynbna ba la pyllait da u Additional Secretary ba peit ïa ka tnad Personnel & AR (A) department TG Momin la kdew ba u Dr. BDR Tiwari, IAS (RR 2006), uba bat kum u Chief Electoral Officer bad Commissioner & Secretary (Election Department), un bat lang ruh kum u Commissioner & Secretary, Border Areas Development Department, naduh ka sngi ba u shimti ïa ka kam bad tad haduh ban da pynbna da kumwei pat.
Ka Dr.Pooja Pandey, IAS (RR 2008), ynda ka la wanphai kum ka ophisar ka sorkar pdneng ha ka 31 tarik Nohprah 2025 ka la shah thung kum ka Commissioner & Secretary, Home (Police) bad Home (Political) Departments, da kaba shimti mardor ïa ka kam.
U Bah Garod L.S.N. Dykes, IAS (Non-SCS 2011), ba bat mynta kum u Deputy Commissioner ka West Khasi Hills, u la shah pynkynriah noh sha ka tnad Home (Police) bad Home (Political) Departments kum u Secretary ka tnad.
Ka Kong Isawanda Laloo, IAS (RR 2013), Secretary, Sports & Youth Affairs Department, kan peit lang kum ka Secretary, Personnel & A.R. Department.
U Shivansh Awasthi, IAS (RR 2019), Deputy Commissioner, East Jaintia Hills pat un shimti noh kum u Joint Secretary jong ka Chief Minister’s Secretariat.
Ka Hema Nayak, IAS (RR 2020), Deputy Commissioner, South West Garo Hills kan shimti kum ka Deputy Commissioner jong ka West Khasi Hills.
Ka Saloni Verma, IAS (RR 2021), Deputy Secretary, Food Civil Supplies & Consumer Affairs Department, kan peit ruh kum ka Deputy Secretary, Urban Affairs Department, bad Chief Executive Officer, Shillong Smart City Ltd.
