Shillong, Iaiong 06: U Bah T R Laloo Controller Examination jong ka Meghalaya Board of School Education (MBOSE) u la pynmih ïa ka jingpynbna ba ïa ka eksamin kaba dei ban long ha ka 11 tarik Iaiong 2022 ha ka subjek ba dei Computer Science/ Informatics Practice la rah sha ka 14th Iaiong 2022 namar ka ïa tyngkhuh bad ka Shad Suk Mynsiem.
ïa ka subjek computer science yn pynlong lang ha ka juh ka sngi bad ka subjek Vocational, ka jingrah ïa ka eksamin ka dei namar ba ha katei ka sngi Shad Suk Mynsiem ka sorkar ka la pynbna shuti ha East Khasi Hills District.
ïa kane ka jingpynbna la pynmih da ka Meghalaya Board of School Education ha ka 5th Iaiong 2022 ïa kaba la soi da u Controller Examination jong ka MBOSE.
