Nongstoiñ, Naitung 03: Ka West Khasi Hills District haduh mynta kam pat don satia la ka jong ka ?ing ban buh tyngkai bad pynneh pynsah ?a ki kot pule ba bun jait, kiba la thoh da ki naduh ki por ba mynshuwa ba ki samla pule kin leit ban pule. Ïa kane la lap da ki nong?alam ka FKJGP Nongstoiñ circle ha ka jurip jong ki nong?alam ka seng na ka por sha ka por ha District Library.
U samla Flymingstone Tyrsa Education secretary ka seng, u la ong ba ka ka seng ka ju sngew halor ka jingud jingnam jong ki samla pule na ka por sha ka por, ba ki shem jingeh bha ban leit pule ?a ki kot ha katei ka Library, namar ka jingbym biang ki kamra bad ki jaka shong.
Utei u nong?alam ka seng u la ong ruh ba ki nongpyn?aid jong katei ka library, ki la kubur ba ki don shibun ki jingduna bad ong ruh ba na ka por sha ka por, la dep phah da ka jingthoh sha ka sorkar, ba kan pynbiang ?a ki almari buh kot bad kiwei kiwei hynrei na ka liang ka sorkar kam pat leh ei ei haduh mynta.
Nalor kata la pynpaw ruh ha ki nong?alam ka seng, ba ka ?ing kaba dei ka District Library kaba don mynta, kam dei satia kaba la shna na ka bynta ban pynlong Library, hynrei ka dei ka jaka sah barim jong u Deputy Commissioner.
Ha kaba ?adei bad ka jingbym biang jong katei ka Library, na ka liang ki nong?alam ka FKJGP ki la pynpaw ?a ka jingsngewkhia halor ka jingleh meinah jong ka sorkar ?a ka West Khasi Hills ym tang ?a ka District Library, hynrei naduh ki madan ?alehkai, haduh ki surok, ki lynti syngkieng, ka pule puthi bad kiwei kiwei.
Na ka liang ka seng ka dawa jur ?a ka sorkar ba ka dei ban pyn?oh noh da ka Library Auditorium ha Nongstoiñ bad ban shna da ka ophis kaba bit ba biang, na ka bynta ba ki samla kiba smat ban leit pule kot bad ban wad jingtip bniah shaphang kiei kiei kiba la thoh naduh ki por ba mynshuwa ha ki kot ba la buh tyngkai ha katei ka Library kin suk ban pule.
