Pynkynmaw bad kyrpad u DC-EJHD ïa ki trai dewïong

Khliehriat, Nailur 3: U Deputy Commissioner, East Jaiñtia Hills District,ha ka khubor ba u phah hynnin ka ngi, u pynbna paidbah ba katkum ka hukum jong ka ïing Kashari ba don burom, ka High Court, Meghalaya bad ki shithi ba la pynmih na ka Office jong u Deputy Commissioner ka East Jaiñtia Hills District, Khliehriat, letter No. EJHD/JUDL.55/PT.III/2022/17, Dated 12.05.2022, No. EJHD/JUDL.55/PT.III/2022/65, Dated 17.06.2022 bad No. EJHD/JUDL.55/PT.III/2022/160, Dated 29.07.2022, sa shisien u pynkynmaw bad kyrpad ïa ki trai Dewïong, kito kiba paw kyrteng ha ka “Coal Inventory List” bad haka “Report on assessment of extracted Coal Stocks”, ba kin sngewbha ban pynpoi noh ïa ki Form bad ki kot ki sla ba donkam sha ka Office jong u Deputy Commissioner, East Jaiñtia Hills District, Khliehriat ha lane shwa ka 16 Tarik u bnai September, 2022 ryngkat bad ki kot ki sla kiba donkam kumba la kdew harum na ka bynta ban leh auction ïa u Dewiong.
Ki kot ki sla ba donkam ki ba hap ban submit ryngkat bad ka Form ki kynthup ka EPIC Card, Bank Account Details, Ka affidavit ban pdiang bad ban bud ïa ki kyndon ba la buh ha ka “ Comprehensive Plan” bad “Scheme for spot e-auction” ba la pynkhreh lyngba ka jingiatreilang jong ka Sorkar jylla bad ka Coal India Ltd. (Ia kine ki documents lah ban ïoh na ka website jong ka Department),bad ki dei ruh ban submit ïa ka test report ban pynshisha ïa ka GCV jong u Dewiong.