Pynkylla riewsaiñ pyrthei ka sorkar MDA ïa ki Ophisar kynnoh u Nongïalam ka Congress

Shillong, Naiwieng 12 : U Nongïalam ka Congress ha kane ka jylla u ma Vincent H Pala u la ther tyngeh ïa kane ka sorkar MDA ba la ïalam da ka NPP da kaba kynnoh ba ka sorkar ka la pynkylla riewsaiñ pyrthei ïa ki ophisar da kaba phah ïaktait lem ïa ki ïa ka kam politik.
U la kynnoh ba ïa ki project ba la plie da u Myntri Rangbah u Conrad K Sangma la pynkylla kum kita ki CM Scheme kaba pynpaw la kum ka kam shimet jong u myntri rangbah.U la kynnoh ruh ba ha ka por ba plie ïa ka CM Connet la ïohi ba ki ophisar na ki tnad sorkar bapher bapher ki la ïabud ïa u myntri rangbah la kum kito ki riew saiñ pyrthei.
U la kynnoh ruh ba ki myntri sorkar kim tip ïa kita ki polisi bad ki ophisar pat ki la kylla long kum ki riewsaiñ pyrthei bad na kata ka daw ki paidbah ki la duh jingshaniah ha kane ka sorkar.
U la ong ruh ba kane ka jingduk jong ki briew ka dei namar ba jur ka jingbamsap ha ka synshar ka khadar. Kiba riewspah ki dang riewspah bad kiba duk ki dang duk bad kane ka la nang pynïa jngai ïa kata ka jingïaryngkat ha ka ïoh ka kot.U la ong ba ki jingleh pyrshah ki paidbah ki la paw da ki election MP bad MDC namar ki paidbah ki la kyntait ïa kane ka sorkar bad kane ka juh kan jia wat ha ka election MLA ruh.