Pynkutnoh ka KSU ïa ka samoi treikam jong ka CEC u snem 2023-2026, ïathuh u Bah Samuel Jyrwa

Shillong, Ïaïong 04: Ka Election Committee ka Khasi Students’ Union (KSU) ka la pynkut noh ïa ka samoi treikam ka Central Executive Council (CEC) 2023-26 bad thung ïa ka caretaker body kaba la ïalam hi da u President bad General Secretary ban leit noh.
Haba kren sha ki lad pathai khubor ha ka sngi Saitjain ha ka prokram ïaid paidbah ha Ka Sngi Kyrsiew ri u Bah Samuel B Jyrwa u la ong, “Ka jingïathep kyrteng jong ki kyrtong na ka bynta ka elekshon sha ka Central Executive Council ba 16, jong u snem 2026-29 kan sdang naduh ka 4 tarik Iaiong.”
Ka elekshon kan long na ka bynta ki 10 tylli ki kam ba kynthup ïa ka kam President, Vice President bad General Secretary.
Ki tarik ba kongsan na ka bynta ka elekshon ki long: ka jingthep kyrteng naduh ka 4 tarik Ïaïong haduh 13 tarik Ïaïong, ka jingweng kyrteng kan long ha ka 14 tarik Ïaïong bad ka jingbishar kyrteng kan long ha ka 15 tarik Ïaïong. Ïa ka elekshon la buh ban pyndep ha ka 9 tarik Jymmang.
La bthah ïa baroh ki Unit bad ki Circle ba kin pynsangeh shuw ïa ka ban jied nongkitkam thymmai lane pynkha unit tad haduh ban da dep ka elekshon.