Shillong, Nailur 13: Ka Skul St Joseph Higher Secondary School Pynthorumkhrah ka la pynkut noh ïa ka jubilee ba 60 tylli ki snem ïa kaba la pynlong myn ha ka 13 tarik u Nailur 2024 ha Phyllaw jong ka Skul. Ha ka jingpynkut ïa ka jubilee jong ka Skul u Abu Taher Mondal Myntri ka Tnad Bording ka Sorkar Jylla u la long u kongsan ban pynhab pyrda ha ka jingïadonlang ka Principal ka Sister Madonna Lytep kiba kynthup ïa u Secretary ka skul Managing Committee u Fr. Laurence Nongkseh, u Bah Dominik Sawkmie, u President Bah Frederik Lyngkhoi bad ki nonghikai kumjuh ki kmie ki kpa jong ki khynnah skul.
U A.T. Mondal Myntri kum u kongsan ban pynhab pyrda u la ai jingïaroh ïa ka skul Managing Committee kaba la pyntyllun ïa ka skul sha u Mawmer ba 60 tylli ki snem.
“Kam long kaba suk ban kynmaw ïa ki diengpynkiang jong ki snem ba la leit noh lada peit ïa ka dur jong ka ïing skul ba nyngkong da ka ïingtrep mynta pat da ka ïing maw kaba paka,” ong u AT. Mondal da kaba bynrap ba kane baroh ka dei ka jingtrei shitom ki longshwa bad ba ïohi jingai ki nongseng.
Na ka liang ka Principal jong ka skul ka Sister Madonna Lytep ka pynsngew ba ka khana samari ïa ka skul bad ki kam jong ka skul bad ki khynnah.
Katba ki khynnah skul pat ki la pynpaw Lang ka jingkmen kaba khraw ïa kane ka skul kaba la ai jinghikai kaba paka shuh shuh ki khynnah skul ka St Joseph ki la ïoh ban pyni bad ai prokram sah kynmaw lyngba ka jingrwai “U Sim Pyllieng ba bun rong ha ki 60 tylli ki snem”
Shuh shuh ha jingpynkut ïa ka lynti ïaid ba 60 tylli ki snem ka Skul ka pynkup burom ïa ki nonghikai kiba la hikai 25 snem kiba kynthup ïa ka Kong Anna Maria Wahlang bad ka Miss Bobyta Lyngdoh.
Ka skul ha Diamond Jubilee ka la ai khusnam bad memonto ïa ki khynnah skul kiba wan shakhmat duh ha ka Eksam Matrik ha ki 10 snem ba la dep.
