Jowai, Lber 01: Ka Meghalaya State Government Employees’ Federation (MSGEF), Jaiñtia Hills Unit ha kane ka 27 tarik u Rymphang, 2026 kala pynkut ïa ka Inter-Office Sports Tournament-2026 ha madan Kiang Nangbah Stadium Dongmihsngi, Jowai.
Ha kane ka sngi pynkut da u ma K. Passah, Assistant Director, Directorate of Sports and Youth Affairs ka sorkar jylla bad uba long ruh I/c District Sports Officer, West Jaiñtia Hills, Jowai kum u Kongsan, ha ka jingdonlang u ma Laman-oo Laloo kum u symbud kongsan nalor ki ophisar jong ki tnad sorkar bapher bapher.
Na ka liang ki kynhun kiba ïaknieh ïa ka nam lahduh (Final) haka jingïalehkai phutbol ki long hapdeng ka Jowai Civil Hospital pyrshah ïaka A.H & Veterinary, West Jaiñtia Hills.
Ha ka jingïakhun jong kine ki ar kynhun haduh ba kut jong ka por ïakhun kila ïakhaid khlem don kiba ïoh ban thep kol, kumta ki bor pynïiad kila hap ban pynïashut daka Tie Breaker ha kaba la Civil Hospital kala jop da 5-4 kol ïaka A.H & Veterinary.
Ïa ka nam Player of the Match la ïoh da u Nidaroi Mulieh na ka Jowai Civil Hospital, Top Scorer la ïoh da ki Ar ngut kata u Donbok Bamon bad u Heibormi Sungoh kiba dei ki player ka Jowai Civil Hospital.
Na ka liang ka MSGEF kala dep ban pynlong ruh ïa ki jingïalehkai kum ka Carrom board, Badminton bad ka Cricket, ïa ki khusnam la sam ha katei ka sngi 27 tarik.
Haka Carrom board ha ka kyrdan Mens Singles la jop da u Carmel Kharbihkhiew (District Statistical Office, Jowai), wan ba ar (Runners-up) da u Chandame Dhar (PHE Civil). Haka Men’s Double la jop da u Tenny L Shullai & Carmel Kaharbihkhiew (District Statistical Officer), ba ar u Holywell Dhar & George Hamilton Nampui (Asst. Director of Information and Public Relation)
Haka jingïalehke Badminton haka Mens Singles la jot da u Da u ru Laloo (PWD), ba ar u Dr. Peterson L Lamare (DMHO, Pdengshakap PHC). Haka Men’s Double la jop da u Arkiyoo Passah & Da u Ru Laloo (PWD), ba wan ba ar Rimilan Passah & Dr. Peterson L Lamare (Health Department).
Haka Men’s 95+ Double la jop da u R.D Sungoh & Da u Ru Laloo (PWD), ba ar u Rimilan Passah& Riki N Suchiang (Health Department). Katba ha ka Women’s singles la jop da ka Ribhalang Passah (DMHO), ba ar ka Graceful Shullai (SDSEO).
Haba phai sha ka jingïalehkai Cricket ïaka nam jop la ïoh da ka DC Combine Horticulture & Water Resources bad wan ba ar ka A.H & Veterinary Department, West Jaiñtia Hills. Ïa ka nam Man of the Match bad ka Man of the Tournament la ïoh da u Heimonlang I Lyngdoh na ka DC Combine Horticulture & Water Resources.
Na ka liang ka MSGEF kala ai khublei ïa baroh ki tnad sorkar kiba la wan ban ïashim bynta ha kine ki Tournament bad kumjuh ruh ïaki nongtrei sorkar kiba la wan ban ai jingkyrshan bad pynlong ïa kane ka Inter-office Sports Tournament-2026 kaba jop.
