Shillong, Jylliew 12: Ka Greater Laban Community Society ha ka sngi Saitjaiñ ka la pynkup burom ïa u Ankur Das uba la pas ïa ka eksamin UPSC ba la pynlong da ka Sorkar Pdeng na ka bynta u snem 2021 bad ïa ki lai ngut ki samla pule ka Laban Bengalee Boys Higher Secondary School.
Ki lai ngut ki samla pule kiba la pas bha ki long u Gyanesh Roy Bhomik uba la wan banyngkong ha ka HSSLC Science Stream ba la pynlong da ka MBOSE mynta u snem 2022, u Rishi Sarkar uba wan baar ha ka HSLC Science Stream 2022 bad u Chirag Deb ba wan balai ha ka HSSLC Commerce Stream 2022. Kine ki ïoh rung ha ka thup Top Ten.
Haba kren ha ka jingpynkup burom ïa kitei ki samla pule kiba la wan shakhmat bad khamtam ïa u Ankur Das ba la ai burom ïa ka jylla, u Bah Sanbor Shullai uba dei u MLA jong ka South Shillong Constituency u la ong ba la ka long ha kano kano ka kynhun ka jinghikai ka long kawei, ïa ieit para briew burom ïa baroh ki jaid Niam bad kiar na ka jingïahun para briew.
Ha kane ka sngi la pynkup burom ïa baroh ki nonghikai jong ka Bengalee Boys HS School bad ïa kiba trei ha kane ka skul kaba la lah ban sei ïa ki samla ba la pas bha manla ka por
La sakhi lang ha ka sngi da u President ka BJP Meghalaya State Unit u Bah Ernest Mawrie, ki Rangbah Shnong ka Laban bad ki nongshong shnong.
