Pynkup burom ka VIT Chennai ïa ki samla pule kiba la pass bha ha ki kyrdan bapher bapher

Shillong, Nailur 08: Ka jingpynkup burom kaba 13 kaba ju long manla u snem jong ka VIT Chennai ka la long ha ka sngi saitjaiñ ka 6 tarik mynta u bnai. Na ka liang Dr. Palanivel Thiaga Rajan, Myntri ka tnat Information Technology and Digital Services, ka sorkar Tamil Nadu, la shim bynta ha kane ka prokram kum kongsan bad la sam ruh ïa ki medal bad ki syrnot degree sha kiba la wan shakhmat bad kiba la pyndep ïa ka PhD.
U Shelley Salehin, Deputy High Commissioner ka Bangladesh, Bangladesh Deputy High Commission, Chennai, ki la long ki symbud kongsan. Na ka liang Dr. G. Viswanathan, Founder bad Chancellor, Vellore Institute of Technology (VIT), u la pynïaid ïa ka jingïalang jong kane ka prokram. Na ka liang ki Vice President jong ka VIT ba kynthup ïa u Sankar Viswanathan bad Dr. G.V. Selvam ki la shim bynta lang ha kane ka prokram.
Ha ka jingkren jong u Dr. Palanivel Thiaga Rajan u la banjur halor ka jingdonkam ban kyntiew ïa ka pule puthi sha baroh ki jaitbynriew bad kynthup ruh ïa ki niam. Na ka liang Dr. Palanivel Thiaga Rajan la kyrpad ruh ïa ki samla ban bud ïa ka thong bad ban wanrah ka jingkylla ïa ki samla jong ka ri.
U la ong ba ka pule puthi ka wanrah ka jingkylla ïa ka imlang sahlang, la ka long ha ka social sciences, bad ki kam aiñ.
Katba na ka liang u Salehin ha ka jingkren u la ong ba ka jinglong bad ka sap ka long kaba kongsan bha na ka bynta ki samla ka ri.
Na ka liang u nongseng bad u Chancellor ka VIT Dr. G. Viswanathan u la ong ba ki la don shibun ki samla kiba la ïoh ki lad jingmyntoi na ka pule puthi.
Ha kane ka sngi ki la don kumba 6,581 ngut ki undergraduate, post-graduate, bad ki research scholars kiba la ïoh ïa ki degree jong ki.
Ha kane ka sngi VIT Vice Chancellor Dr. V.S. Kanchana Bhaaskaran, Pro-Vice Chancellor ka VIT Chennai Dr. T. Thyagarajan, Pro-Vice Chancellor ka VIT Vellore, Dr. Partha Sharathi Mallick, VIT Registrar Dr. T. Jayabarathi ki la shim bynta lang ha kane ka prokram.