Shillong, Risaw 04 : Ka tnad rep jong ka NPP hapoh ka lama jong ka National People’s Party Farmers Front (NPFF) ka la pynkup burom ai u Myntri ba thymmai jong ka tnad ka Rep ka Riang ka sorkar Jylla, u Timothy D Shira ha ka jingïalang kaba long ha ophis treikam jon gka party dang shen.
Ïa u Myntri la pynkup burom da u Chairman ka Front, Bah Himalaya Shangpliang ryngkat ka jingdonlang u General Secretary Bah Egenstar Kurkalang.
Kane ka jingpynkup burom ka dei ha ka sngi ba ka NPFF ka pynlong ïa ka State Executive Committee kaba baroh ki district president na kylleng ki distrik bad ki block ki la poi lut sha kane ka jingïalang.
Ha kane ka State Executive Committee, ki nongïalam na ki distrik bapher bapher jong ka jylla ki la ïoh ïa ka lad ban pynsngew markhmat ïa ki jingeh ba ki distrik ki kynduh haba ïadei bad ka rep ka riang bad kiwei kiwei kiba don jingïadei bad ka kam rep.
