Pynkup burom ka sorkar ïa ka kynhun SIT ba lap dien kloi ïa ka Sonam bad kiba pyniap ïa u Raja

Shillong, Nailur 29 : Ka sorkar jylla ka la pynkup burom ïa ka Special Investigation Team (SIT) kaba la ïalam da u Superintendent of Police (SP) u bah Herbert Kharkongor namar ka jinglap dien kloi jongki ïa ka Sonam bad ki lai ngut kiwei pat kiba donkti ban pyniap ïa u Raja Raghuvanshi.
ïa kane ka jingpynkup burom la pynlong ha Police Heaqquarters bad la ïadon lang da u Myntri Rangbah ka jylla u Conrad K Sangma, u Symbud Myntri Rangbah u bah Prestone Tynsong kiba la ai ka jingïaroh ïa ka kynhun SIT halor ka jingtrei shitom jongki.
ïa kane ka jingpynkup burom la ai naduh u nongïalam ka kynhun u bah Herbert Kharkongor, u OC ka Sohra u bah Anthony Khongsit bad kiwei kiwei ki dkhot ka kynhun.
Dei kane ka kynhun kaba la ïoh ban kem ïa ka kurim jongu Raja ka Sonam Raghuvanshi namar dei ma ka kaba donkti kumno ban ïa sylla bad kiwei pat ban ïa pyniap ïa u Raja. ïa u Raja la pyniap ha u bnai Jymmang 2025 hajan ka jaka pynïeng kali pyrshah ka Weisawdong. Ka SIT ka la dep pynngat kyndon ba tyngeh bha ïa kine ki briew kiba donkti.