Shillong Rymphang 22: Ka SENG KUR TIEWSOH ka la pynkup burom ïa ki 14 ngut ki samla pule da ka khusnam Accademic Award 2026 ha ka jingïalang ‘Dorbar Kur Tiewsoh ba shi sien Lai snem’ kaba la long ha Dorbar Hall Mission Compound, Shillong, ha ka 21 tarik u Rymphang.
Kane ka dei ka sien kaba nyngkong ba ka Kur Tiewsoh ka la ïoh ban pynlong kum ïa kane ka prokram ban pynkup burom ïa la ki jong ki khun samla jong ka kur kiba la jop bad lehbha ha ka pule puthi jong ki naduh Class X, Class XII, Graduation, Master Degree bad kiwei kiwei ki kyrdan pule ba kham shalor.
Ka jingthmu jong kane ka prokram pynkup burom ka long ban ïa lehkmen lang bad ban pynshlur ïa la ki khun samla kiba hap hapoh ka jylli jong ka kur Tiewsoh ba kin dang trei shitom bad trei minot ha la ki jong ki jingpule la ka long ha kano kano ka kyrdan.
Ha kane ka jingïalang ‘Dorbar Kur Tiewsoh ba shi sien Lai snem’ la ïashim bynta lang da ki Rangbah kur kiba kynthup naduh kiba la ïashim bynta ban sam ïa ki khusnam ha kane ka prokram.
Shuwa ka prokram pynkup burom ka la don ka Dorbar Kur ha kaba la pynïaid da u Tbn Hiambok Tiewsoh, Rangbah Kur, bad la ïoh ruh ban pynsngew na ka Kyrteng jong ki Para Kur, ki Poi Kha, ki Khun Kha kiba la khlad noh bad kumjuh ruh ka jingpynsngew ïa ka kaiphod treikam da u General Secretary-Bah Dalumlang Tiewsoh.
Nangta ha ka por 12:30 baje mynsngi ka Seng Kur Tiewsoh ka la ïoh ban sdang ïa ka jingïalang kaba ar ba la pynïaid da u Bah Plielad Tiewsoh. Katba ka prokram ka dang ïaid shakhmat la ïoh ka jingkren lyngkot na i Tbn. Hiambok Tiewsoh bad ka jingpynsngew ïa ka Histori jong ka Seng Kur Tiewsoh, kumjuh ruh ki tien sneng tien khraw na i Kong Mukabani H. Tiewsoh, Principal barim jong ka Khasi Jaintia Presbyterian Higher Sec School, Shillong.
La pynshongkun shuh shuh ïa ka jingïalang da ki jingrwai bad jingshad Na ki khun bad ki khun kha Tiewsoh.
Kiba la shah pynkup burom ha kane ka sngi ki kynthup ïa kiba la pass bha ha ka Class X, Class XII, Graduation bad Master Degree naduh u snem 2021 haduh 2025.
Ki kyrteng jong kiba la shah pynkup burom:
1. Haphilahun Tiewsoh (SSLC) (MBOSE) –
2. Bakitboklang Tiewsoh (HSSLC & BA)
3. Teibokskhem Tiewsoh (SSLC & ISCE)
4.Memonbanshan Tiewsoh (AISSE)
5. Metolamlynti Tiewsoh (CISCE)
6. Eliza Grace Tiewsoh (SSLC)
7. Lasubon Tiewsoh (SSLC & HSSLC)
8. Meriiaka Tiewsoh (B.Com & M.Com)
9. Deiphibanri Tiewsoh (HSSLC)
10. Wanteilihok Tiewsoh (MA Music)
11. Pyrkhatlang Tiewsoh (B.D.)
12. Ibakordor Tiewsoh (PHD)
13. Mebasiewdor Tiewsoh (MSc)
14. Lodestar Tiewsoh (M Tech)
