Jowai, Naitung 14: Ka Khasi Student’s Union (KSU) Namdong Area Unit ha kane ka 12 tarik u Naitung kala pynkup burom ïa ki samla pule ka Thaiñ kiba la leh bha ha u snem 2025, ha ka kyrdan SSLC, HSSLC bad ha kiwei de ki Kyrdan pule bad haka juh ka sngi la ïoh ruh ban pynrung ïa ki dkhot bathymmai ka seng.
Ha kane ka sngi u Samla Erick A. Nongkynrih Sports Secretary KSU CEC ula long u kongsan ha ka ban shim ïa ka bynta ban pyntian smai ïa ki dkhot kiba pynïasoh sha ka KSU Namdong Area Unit.
Ha kane ka sngi la pynïaid ïa ka jingïalang da u samla Juhhi Tariang General Secretary KSU Namdong Area Unit bad la ïoh ïa ki kyntein maitphang na u Samla Kitboklang M Lamare President ka KSU Namdong Area Unit bad la wan sakhi lang ha kane ka sngi naduh ki Nongïalam ka CEC Samla Shaining Kharbihkhiew Environmet Secretary KSU CEC Samla Alecrick Kharjana Assistant Office Secretary KSU CEC bad kumjuh ruh ki nongïalam ka Nartiang Circle u Samla Chanbor War President ka KSU Nartiang Circle naduh ki Nongïalam ka District Samla Laitphar Syngkrem President KSU West Jaiñtia Hill District Unit Samla Leningrad Tariang General Secretary KSU West Jaiñtia Hill District Unit Samla Ladaplin Hayong President KSU Girls Wing West Jaiñtia Hill District Unit bad kiwei de ki nongïalam District bad la ïadon lang ruh ki nongïalam ka FKJGP naduh i samla Nangkhrawbor Rani General Secretary FKJGP West Jaiñtia Hill District bad ki Nongïalam Raij ma Lambor Lyngdoh Waheh Raij Namdong bad kynthup ïa ki Waheh Shnong ka Thaiñ.
Related Posts
La ïoh ruh ka jingkren na u Waheh Shnong ka Namdong-B u ma Damian S War uba long u Symbud Kongsan, u ma Dawan Lyngdoh uba la pynsngew ba ka thaiñ ka donkam bha ïa ka jingnang jingstad bad mynta la donkam ruh ban don ïa ka Higher Secondary.
U samla Erick Anthony Nongkynrih ula shim ïaka bynta ban pyntian smai ïaki dkhot ba thymmai ka seng, haba jingkren ula ong haduh mynta ka jaid bynriew ka dang duna kiba trei haki kyrdan baheh kum ki SP bad DC. Kumta ka KSU kala wad shibun ki lad ki lynti ban ïarap lem ïaki samla naka bynta ban phah pule haki kyrdan baheh kum ka IPS bad IAS.
Ha katei sngi la ïoh ruh ban sam khusnam sha ki khynnah pule ka thaiñ kiba leh bha haki exam bapher bapher kaba latip ka ‘5th Maitshaphrang Academic Award’. La pynkup burom ruh ïaki Waheh Shnong ka thaiñ kum ka dak ka jingsngewnguh ïaka jingïatrei lang ha ki por baroh.
La pynphuh pynphieng ïa kane ka program da ka jingshad tynrai naki samla naka Shnong Mukhnang bad naki samla naka Shnong Namdong.