Khliehriat Risaw 18: Ka Khasi Students Union Narph Circle mynta ka sngi ka la punkup burom ïa ki hynñiew phewphra ngut samla pule jong ka thaiñ da ka “14th Mait Shaphrang Academic Award 2025 bad kiba ioh khur ïa kane ka khusnam ki dei kito ki samla pule kiba wan ha ki kyrdan kiba shakhmat ha ki exam SSLC, HSSLC, Degree bad Master degree na ki board bad University ba pher bapher.
Kane ka dei ka sien kaba khat saw kaba ka seng ka sam ïa kane ka khusnam bad jingpynkupburom kaba la tip ruh kum ka “14th Mait Shaphrang Academic Award 2025” ïa kane ka program la pynlong ha Divine Word Secendary School Lumshnong ha kaba u Publicity Secretary KSU- CEC u la long kum u kongsan bad ka Kong Deiwi Tongper kaba dei ka MDC Narpuh kum ka Symbud Kongsan bad la ïa donlang ruh u President KSU EJHDU, u bah Streamly N Suchen, u President NEHUSU, u samla Sandy Sohtun, u President KSU Nongspung Circle, u samla Emos John Syiemlieh, Secretary shnong Lumshnong u bah Embhahlang Lamare, u bah R.M Bamon uba dei u President ba nyngkong eh jong ka KSU Narpuh Circle, u bah S. Pynkhlong, u President ba lai ka KSU Narpuh Circle,u bah Cherity Suja, uba dei u Assistant Finance Secretary KSU EJHDU, ki nongialam bad ki dkhot kiba na ki unit baroh kiba hapoh ka Narpuh Circle.
Baroh kiba la ai jingkren ki la ai ki kyntien ai mynsiem bad pynshlur ïa ki samla pule ka thaiñ ba kin nangïai minot shuh shuh ha ki jingpule kiba kham shajrong namar ba dei tang ka jingstad kaba lah ban wanrah ka jing tyngshaiñ bad ka burom ïa ka ri bad ka jaitbynriew.
Ha kane ka sngi u kongsan u bah Pynshaiborlang Rani u la pyntian smai ruh ïa ki nongialam kiba thymmai jong ka KSU Narpuh Circle bad ki nongialam kiba thymmai jong ka KSU Tongseng Narpuh Unit kiban trei ha ki samoi treikam jong u snam 2025 haduh 2028.
Ki nongialam ba thymmai jong ka KSU Narpuh Circle ki kynthup u President, u bah Phanuel Tongper, Vice President, bah Olenbat Pdang, General Secretary, bah Yooni G Muksor, Asst. General Secretary, bah Nongpynthymmai Kyndoh, Organising Secretary bah Dimus Suchiang, Education Secretary Chanmi Syrti, Publicity Secretary bah Markijuh Ladong, Sport Secretary bah Lucky Pdang, Environment Secretary bah Shaniah Mukhim, Finance Secretary bah Poibiang .S. Dhar, Office Secretary bah Babu Challam lem bad ki dkhot kiba kynthup u Phimon Mukhim, Westday Gympad, Emission Kyndoh, Goldenstar Rymbai, Banshan Ladong bad u Esikial Rymbai
Ïa ka program la pyniaid da u General Secretary KSU EJHDU, u bah K.S.Suchiang.
