Shillong: Ka Khasi Students’ Union Delhi hapoh ka jingïalam jong ka President ka Samla Marbiang Khongwir bad Samla Dr. Diego M Thubru, ka la pynkup burom ïa ka Prof. Badaplin War, ka nonghikai jong ka Khasi Department, NEHU ha Meghalaya House, Delhi hadien ka jingïoh pdiang ïa ka khusnam Padma Shri na u President ka Ri India halor ka Khasi Linguistic, Literature, Culture & Translation.
Ka Prof Badaplin War ka dei kawei na ki Prof. Khasi kaba la noh synñiang bha ha ka thoh ka tar khasi bad ki kot pule ki ba kynthup ïa, ki Snap ka Bishar Bniah (Co-author), Ha Ki Sngi Jong Ngi (Co-author) Shillong: H.W. Sten 1994, An Introduction to Linguistics Shillong: Ki Buit-thaw ba kongsan ha Ki Sngi Barim U Hynniew Trep. U Basan Ka Kastarbrij Translation of Thomas Hardy’s The Mayor of Casterbridge. Tribal Literature of North-East India (Editor). Ki Sawa Bad Ki Dur Kyntien Jong Ka Ktien Khasi (1st Edition 2001). KiI jait Ktien Bad Ki Ktien Tnat Jong Ka Meghalaya (Co-Editor). Ka Kylla-Ktien Bad Ka Litereshor Khasi (Translation and Khasi Literature).
Shuh shuh, halor u Synñiang jong ki jingthoh jong ka lyngba ki lynnong ha ki kot kiba pher bapher.
Ym tang ba ka Prof. War ka la Synñiang radbah ha ki kam thoh, hynrei wat ban shim ruh ïa ka jingkitkhlieh ha kiba bun ki liang. Ka Prof Badaplim War ka dei ruh nongseng bad President jong ka Society for Khasi Studies (2005 haduh mynta bad kumjuh ruh ka la bat ruh kum ka Founder President, Tribal Literary Forum of India (2009-2012), dkhot jong ka Linguistic Association of Great Britain, United Kingdom, dkhot ka Transactions of Philological Society, United Kingdom, Expert for recruitment of Khasi translators at Gauhati High Court, Shillong Bench (2003), dkhot ka Advisory Committee, State Literary Award, Government of Meghalaya (2005), Chairperson jong ka Committee on State Level Eligibilty Test (SLET) for Khasi, ka dkhot jong ka Reviewing Committee for awarding financial assistance to Khasi (2003-2006), dkhot jong ka Executive Board/ Governing Body of the North East Zone Cultural Committee, Ministry of Culture, Government of India, Dimapur, Nagaland (2009), ka Coordinator jong ka Committee on Preservation and Promotion of Endangered Languages, NEHU, Shillong, ka Founder President jong ka Shillong Academic Society (2013-2016).
Ha u Snem 2003, ka la ïohpdiang ïa ka khusnam Rastriya Lok Bhasha Samman na ka Gandhi Hindusthani Sahitya Sabha, New Delhi halor ki kam syñniang jong ka lyngba ka thoh ka tar bad ka jingshim bynta ha ki ba bun ki kam.
Kumba angnud ka Seng bad ki paitbah ka Ri khasi, ka Jingangnud ka jong ka Prof. War ka dei ban ïoh jingithuh noh ïa ka Ktien Khasi ha ka Khyrnit kaba Phra.
