Nongpoh, Naitung 03: Ka Dorbar shnong Tyrso Nongkylllep haka sien kaba nyngkong eh kala shim ïaka sienjam ban pynkup burom ïa 8 ngut ki samla na katei ka shnong, kiba la pass ha ka Secondary School Leaving Certificate (SSLC) bad Higher School Leaving Certificate (HSSLC) bala pynlong da ka MBOSE dang shen.
Ïa katei ka jingpynkup burom la shimkhia ruh da ka Dorbar Shnong hapoh ka jingïalam u Bah Mathias Mujai Rangbah Shnong ban ai mynsiem bad pynshlur ïaki samla ba kin dang leh bha shuh shuh haki jingpule jong ki ba kham shalor ban long ruh ka nuksa sha kiwei pat ki khun samla kiba dang pynkhreh ïaki eskamin bapher bapher.
La wan ruh ban shim bynta ha katei ka sngi da u Bah Joannes Lamare kum u kongsan u ba dei uwei naki nongtrei mon sngewbha ba paw ka jylla, haka jingdonlang ki riew rangbah jong ka shnong, ki nonghikai bad kiwei kiwei kynthup ïa kitei ki 8 ngut ki samla ba shah pynkup burom.
Haba kren ha katei ka sngiu Bah Joanes Lamare, u la ai ka jingïaroh ïa ka Dorbar shnong Tyrso Nongkyllep, haka sien ba nyngkong eh ka la shim ïa katei ka sienjam ban pynkup burom ïa kitei ki samla, kum shibynta ban pynshlur ïa ki ba kin bteng bad ban lehbha ïa ki jingpule ba kham shalor.
