Shillong, Naitung 10 : Ka Boxing Association of East Khasi Hills District, ha ka sngi Saitjain ka la pynkup burom ïa ki 9 ngut ki rang bad thei ïa kura kiba la khur takma ha ka lympung ïalehkai jong ka Meghalaya Games kaba dang shu lah shen.
Ïa kitei ki nongïalehkai ba kynthup ïa ki sawngut kiba khur takma ksiar, saw ngut kiba khur takma rupa bad kawei ka takma rnong ba la pynkup burom da u Myntri ka tnad C&RD ka sorkar jylla ba dei ruh u MLA ka thaiñ, Bah Hamlet Dohling ha ka jingïalang kaba long ha phyllaw jong ka Gorkha Secondary School, Laimer.
Haba kren ha kane ka jingïalang, u Myntri u la ïathuh ba dalade hi u lap ïa katei ka kynhun katba ki dang kilan met ha phyllaw jong katei ka skul bad hangtei hi u la kular ba kino kino kiba khur takma takma ksiar ha ka Meghalaya Games un ai 5000 tyngka kumjuh ruh ïa kiba khur takma rupa bad takma rnong.
