Nongstoiñ, Jylliew 23: Ka West Khasi Hills District Boxing Association (WKHBA) ha ryngkat ka jingïatreilang bad ka Meghalaya Boxing Association, kan pynkhreh ïa ka District Level Boxing Selection Trial na ka bynta ban mihkhmat sha ka 39th National Game ka ban long ha ka Jylla ha u snem 2027.
Ka jaka ban pynlong ha kane ka selection trial ha West Khasi Hills kan long ha ka 4 tarik u bnai Naitung 2025, ha ka por 9 baje mynstep hapoh Indoor Stadium Nongstoiñ. Kumta ka WKHBA ka wer ïa baroh ki nongïakura kiba la tbit bha ha ka kam ïa kura boxing ban wan sha kane ka jingjied.
Ki nongïa shim bynta kin long katkum ki kyrdan bapher (weight category) kaba long shynrang 47-50 kg, 50-55 kg 55-60 kg, 60-65 kg, 65-70 kg,75-80 kg,80-85 kg 85-90 kg 95 kg.
Ki kynthei pat 45-48 kg, 48-51 kg, 51-54 kg, 54-57 kg, 57-60 kg, 60-65 kg, 65-70 kg, 70-75 kg, 75-80 kg bad 80 kg. Ka karta kan long naduh 17 snem haduh 40 snem ka arta, kata kan long na ka bynta ki kynthei bad shynrang.
Ki nongïashim bynta kin wanrah ïa ki kot ki sla kum ka original Birth certificate certificate bad Adhar Card bad ki tiar shimet (Boxing Kit) kiba ju pyndonkam ha ka rukom ïa lehkai boxing. Ïa ki jingtip ba tikna sngewbha phone ha u ne u No. 9366498825, pynkut ka kyrwoh na u bah D.Sun President WKHBA.
