Jowai, Nohprah 11: Ka War Jaintia Students Union (WJSU) lyngba ka Education Sub Committee on First War Jaiñtia Scholarship Examination 2024 jong ka seng, ka la dep pynkhreh pynkhrum ïa ki jingdonkam baroh naka bynta ka Competitive Examination jong ka First War Jaiñtia Scholarship Examination 2024.
Naka liang ka seng kala dep ban shim kyrteng Register haduh 750 ngut ki Young Talents ka War Jañtia bad ïakhun ïa katei ka Competitive Examination ha ki 14 tylli ki Examination Centre, ha kine ki Examination Centre yn peit bd kin pynïaid ïa ki jingdonkam baroh da ki Examination Centre incharge ba la dep appoint da ka WJSU ESC on FWJSE 2024 bad ïa ka Examination Hall ym peit bad khmih da ki Examiners ba lah appoint da ka Sub Committee ban pynïaid ïa ka jingïaleh exam ki khynnah.
Ki khynnah kiba ïashim bynta ha kane ka Exam ha ka Section-I ki dei ki khynnah kiba lah pyndep ïa ka Class IV ha u snem 2023 bad ki ban shong Class-VI ha une u Academic Year 2025. Ha ka section II ki khynnah skul kiba lah pyndep ïa ka Class VI ha u snem 2023 bad kiban shong Class VIII ha kane ka Academic year 2025 bad haka Section III ki khynnah skul kiba lah pyndep ïa ka Class VIII ha u snem 2023 bad ki ban shong Class X ha u snem 2025.
Ka WJSU bad ki paidbah ka thaiñ War Jaiñtia khamtam ki Intellectual ka War Jaiñtia hi baroh kawei ki ai khublei kitbok kitrwiang ïa kine ki khynnah skul kiba dei ki khlur ka thaiñ bad ka Ri ba kin leh bha ha kane ka Competitive Examination 2024.
Ka seng ka ai khublei kyrpang ïa ki dkhot kiba trei shitrhem ban pynurlong ïa kane ka jingthrang bad ka jingangnud ka seng ban kyntiew ïa ka pule puthi dangle kaba dei u budlum ka roi ka par ha ka Ri hi baroh kawei. La ai khublei kyrpang ruh ïa ki nonghikai badon Burom kham tam ki Headteachers, Headmasters bad Principals jong ki skul kiba ai ïaka jingïatrei lang bad ka seng ban pynurlong ïa kane ka kam ba bha na ka bynta ka lawei kine ki khynnah skul.
Ka seng lyngba u General Secretary samla Everest R Langstang ka kyntu ïa ki paid ka thaiñ ban ïasnoh kti lang ban leh ïa ki kam bha na ka bynta ki briew ka thaiñ bad ïa ka Ri hi baroh kawei.
Khatduh ka seng shen kan pynbna ïa ka project ban pynduna ïa ka drop out ne ka jingpep skul shiteng por ki khynnah skul hapoh ka thaiñ. Kane ka project kan long ka Pilot Project na ka bynta ban traiñ ïa ki khynnah skul ban long kiba ïaineh haka pule puthi bad ban thaw lad ba kin nym pep skul shuh tad haduh ba kin sngewthuh ïa ka sap ka talent ba U Blei nongbuh nongthaw u ai ïa ki ba kin trei ïa ki kam lyngba ka jingstad jong ka juk Digital ba mynta.
