Shillong, Naiwieng, 23: Ka seng kur Kharmawlong ka la pyntip paidbah ba ka la dep ban register ïa ka seng kur hapoh ka Khasi Hills Autonomus District Council bad ka la ïoh ruh ïa u registration number ha ka 4 tarik, Nailar 202.
Ka dawbah ka long ba ka Kur Kharmawlong da ki spah snem mynshwa kam shym la lah ban lum ban lang ne ban khot ïa ka dorbar kur bad bun na ki kur Kharmawlong ki la saphret kylleng ka Bri u Hynniewtrep.
U Vice President ka Seng Kur Kharmawlong u Bah Laita Kharmawlong ha ka jingïakren bad ki lad pathai khubor ha ka sngi Saitjaiñ u la ïathuh ba ka Seng Kur Kharmawlong ka la ban thaw ïa ka Central Executive Committee ha Mairang , ïa ki Unit ha Shillong bad ha Mairang kynthup ïa ki sub-unit ba pher bapher.
U la ong ruh ba ka seng Kur ka dang pynkhreh shaid shaid ha kaba ïadei bad ka jingthmu ban pynlong ïa ka dorbar kur kaba nyngkong eh.
