Shillong, Risaw 29 : Ki don haduh 26 ngut ki heprit kynthei kiban shim bynta ha ka lympung ban jied pat ïa ki na ka bynta ka thup ïalehkai jong ka Meghalaya Cricket Association’s U-15 girls jong ka jylla.
Ka MCA ka la dep ban pyllait ïa ka thup kyrteng jong ki nongïalehkai kiba la pyndep ïa ka TW-age verification test bad mynta ki hap pat ban leit sha ka lympung kaba khatduh kaba ki kynhun nongjied ki buh ban pynlong ha Nongkhrah, Ri Bhoi naduh ka 30tarik Risaw haduh 01tarik Naiwieng naduh ka por 7:30 baje mynstep.
Hadien ba la dep kane ka jingjied , baroh kin don 15 ngut ki nongïalehkai ryngkat bad nongïalehkai pynap kiba yn sa pynbna bad ruh ïa ki lympung kilan met kaban long naduh ka 02tarik Naiwieng haduh ka 17tarik Naiwieng ha Nongkhrah hi, kata ha shwa ka lympung ïalehkai jong ka BCCI U-15 Women’s One Day Tournament.
Na kine, 21ngut ki la dep ïa ka test kaba dang shu dep shen mynta u bnai bad san ngut pat ki dang lah ban rung sha ka thup na ka bynta ka U-15 katkum ka jinglah jong ki ha ka test kaba long ha u snem ba la dep.
Kine ki heprit kynthei kiba paw kyrteng ki long ka Isha Ray, Namesha A Marak, Sweetcemary Khongthing, Leeny Rai, Sharaisuk Marpna, Banchilla Marak, Philawanbiang Syiemlieh, Adalyn Fedilia Lyngkhoi, Anniba Aiyosha D Sangma, Eliza Lyngdoh, Deimi Alaska R Marak, Onasa M Sangma, Reavydaysha Lyngkhoi, Priya, Bijime Ch Momin, Philasyrpai, Idashisha Sohshang, Sonakshi R Marak, Rijanailin Peinleng, Beneros D Shira, Rafinia Ryntathiang, Diya Biswa, Joanna Pyngrope, Jennifer Fancon, Deijiana M Sangma, Evanrihun Sohshang
Katba ka kynhun jong ki support staff ki kynthup ïa Rupashree Sharma (Head Coach), Bhakupar Mylliemngap (Assistant Coach), Sweetie Marboh (Trainer), Jakrimbal D Arengh (Physio).
