Mairang, Nailar 26 : Kum shi bynta ban rakhe ïa ka National Sport Day Celebration 2025, ban kynmaw burom ïa ka sngi kha jong u khlur ialehkai Hockey u Major Dhyan Chand bad ruh kum ban ïa shim bynta lang ha ka Fit India Movement, ka Office jong u District Sport Officer, West Khasi Hills District ha ka jingïatreilang bad ka District Sport Promotion Society, Eastern West Khasi Hills District, kan pynlong ïa ka National Sports Day Run 2025 ha ka 29 tarik August ha ka por 6:45 mynstep na ka bynta ki khynnah kynthei bad shynrang, kiba hapoh ka 19 snem ka rta.
Ka jingmareh kan long 5 Kilometer, Senior category ne kiba 19 snem sha jrong kan long 10 Kilometer, kan don ruh ka Cycling ïa kiba 18 snem shynrang kata 10 Kilometer bad kiba 18 snem shajrong kynthei bad shynrang 15 Kilometer. Ka jaka ban sdang bad pynkut ïa ka jingïamareh kan long na ka ophis ka Deputy Commissioner, Eastern West Khasi Hills District, Mairang.
Kan don ka jingsam ïa ki khusnam na ka bynta ki nongjop da ka song pisa bad ka certificates, la pynkhreh ruh ïa ki consolation prize kaba 500/- tyngka na ka bynta ki ba wan ha ka kyrdan ba saw haduh shiphew ïa ki Junior and Senior kynthei bad shynrang.
Kino kino kiba kwah ban ïa shim bynta ha ka jingïamareh ki lah ban pynrung kyrteng ïalade ha ka ophis ka Deputy Commissioner, Eastern West Khasi Hills District, Mairang.
Katba ïa ki ba kwah ban ïa shim bynta ha ka Cycling ki lah ban phah ïa ki kyrteng jong ki ha I Bah Groofield L.Nonglait contact No. (9862691533) ha lane shwa ka 28 tarik Nailar 2025 ha ka por long trei.
Yn nym pdiang shuh ïa kito kiba pynrung kyrteng hadien ba la kut ka tarik bad ka por ba la buh. Ki nong ïa shim bynta kiba la dep ban register kyrteng ki hap ban rah lang bad ka Original Birth Certificate na ka bynta ban pynshisha bad ban report ïalade ha phyllaw jong ka DC’s office ha ka 29 tarik Nailar ha ka por 6:00 mynstep.
