Nongstoiñ, Ïaiong, 15: Ka seng Hynnñiewtrep National Youth Movement HNYM West Khasi Hills District, ka la pynbeit ban pynlong ïa ka jingïalang paidbah ha ka 17 tarik u Ïaïong 2025 ha ka por 11:00 baje mynstep ha skul u bah Shadap kaba don marjan bad State Bank of India Nongstoin. La kyrpad ïa baroh ki paidbah kiba la ïoh ïa ki bill light kiba heh, khamtam kito kiba lah poi da ki lak tyngka, ba kin ïa wan khnang ha katei ka sngi ba lah buh, khnang ba ka seng kan ïaleh ban ïa pynbeit bad ki bor ba dei khmih ïa ka tnad bording MePDCL Nongstoiñ Division. Katei ka long katkum ka jingpyntip lyngba ka kyrwoh kaba la phah da u bah Tailan Lyngkhoi Lamphang ka seng HNYM West Khasi Hills District.
