Khliehriat jylliew 08: Ban pynkhlain shuh shuh ïa ka jingtreikam ka seng ha ki bynta bapher bapher na ka bynta ka bha ka miat ha ka imlang ka sahlang, ha shnong ha thaw, ka East Jaiñtia National Council mynta ka sngi ka la pynkha sa kawei ka tnat treikam ha Deiñsatlang ba la tip kum ka East Jaiñtia National Council Deiñsatlang Unit, ha kaba u President rangbah ka seng u bah Sambormi Lyngdoh u la pynskhem ïa ki nongkitkam bad ki dkhot bad la pynskhem ïa ki ha ka ophis treikam jong ka seng kaba don ha Khliehriat West.
Haba kren ha ka jingialang, u bah Sambormi Lyngdoh u la ai ïa ki kyntien sneng kyntu ïa ki nongialam bad ki dkhot jong ka Deiñsatlang Unit, u la ai mynsiem bad pynshlur ïa ki ba kin trei bha ïa ka kam da ka jingiaieid bad jingiasngewthuh jingmut bad ka jingiatylli khnang ban wanrah ïa ka bha ka miat ha shnong ha thaw, ha kajuh ka por u la ai ka jingkitbok kitrwiang ïa ki nongialam bad ki dkhot.
Kiwei kiwei kiba la ai jingkren ki kynthup ruh u Vice President EJNC, u bah Ency Shadap, U President EJNC Khliehriat Unit, u samla Mebanteilang Sukhlaiñ, u President EJNC Khliehmyntriang Unit, u samla Lector Dkhat ha kaba kine ruh ki la ai ïa ki kyntien sneng kyntu bad ai mynsiem ïa ki nongialam bad ki dkhot jong ka Deiñsatlang Unit.
Ki Nongkitkam jong ka EJNC – Deiñsatlang Unit kiba la pynskhem ha kane ka sngi ki kynthup u President, u bah Nishwa Phniaw.
Vice President – Thymmai Dkhar, General Secretary, u bah Shanbor Shylla, Assistant General Secretary, u bah Sngewhun Swer, Publicity Secretary, u bah Saiñborlang Swer, Finance Secretary, u bah Joslang Sympli lem bad saw ngut kiwei pat kum ki dkhot ka Executive
